رواية زمردة الزين الفصل التاسع عشر 19 بقلم فاطمة سعيد – للقراءة المباشرة والتحميل pdf

ادم : لا مش دلوقتى هقولك باليل وجهزى نفسك عشان انا عزمت زين يجى هو وزمردة يتعشوا معانا

رهف : طب تمام ينوروا والله زمردة وحشانى اوى وعايزة اشوفها واقعد معاها

قعدوا كلهم ومش فاهمين حاجه

قعدت رهف جمبها زمردة وجمب زمردة زين وقعدوا على كنبه كبيرة وقصادهم على الكرسى ادم

( اتمنى اكون وصلتها وعرفتوا تتخيلوا الموقف )

ادم : أما عايز اعترف بحاجة ولو سمحتوا محدش يقاطعنى لحد ما اخلص كل كلامى

من حوالى كام شهر تقريبا عشر شهور قبل حادثة زمردة بأيام بسيطة جالى واحد انت عارفه كويس يا زين طلب منى انى اسربله معلومات الشركة كلها وساعتها هيدينى كل اللى اطلبه وانا رفضت انى اعمل كده ورفضت انى اخون صاحب عمرى بس كل واحد بس كل واحد وبيجيله وقت شيطانه يسيطر عليه وهو عرضه كان كويس جدا بالنسبة لاى حد فوافقت وافقت انى اديله كل معلومات شركة زين واساعده يوقع الشركة ويوقع زين معاها وبقيت أوصله كل حاجة اول باول وانت يا زين كنت مستغرب ازاى كمية الخساير دى فى الوقت القصير ده الحقيقة أن انا وهو اللى كنا السبب فى ده وبعدين جه دور انى لازم انشغل عن الشركة واسيب كل الحمل على زين عشان يوقع اكتر واكتر

وزين ذكى جدا وكان ممكن يكشفنى بس هو عمره ما شك فيا ولو اخر واحد مكنتش هاجى فى باله وانا عارف ده عشان كده استغليت النقطة دى كويس وبعدين جه وقت انى ابعد عن الشركة نهائى فكان لازم ابعد من غير ما حد يشك فى حاجة ووقتها خدت إجازة جواز ودى الطريقة الوحيدة اللى محدش هيشك بيها فى حاجة ووقتها رهف دخلت حياتى بالصدفة وحظها رماها فى سكة واحد زيي وحادثة زمردة كانت متدبرة من نفس الشخص اللى خطط لكل ده بس انا مكنتش اعرف والله الا بعد ما حصل اللى حصل