رواية زمردة الزين الجزء الثاني الفصل الثاني والعشرين 22 بقلم فاطمة سعيد – للقراءة المباشرة والتحميل pdf
فى مكتب كريم …..
قعد على كرسيه وماسك الظرف ولسة هيفتحه الباب خبط وكانت جويرية
جويرية بعملية وجدية : معلش اسفة عطلت حضرتك ممكن اعرف الصفقة اليابانية المفروض يكون فيها بنود تانية ليه مش متضافة فى الورق
كريم مكانش مركز هى بتقول اي اد ما مركز فى اد اي وحشته ومخنوق من معاملتها ليه وجتله فكرة وابتسم بخبث
كريم بعملية مصطنعة : هاتى ورق الصفقة وتعالى اشرحيلى وجهة نظرك
جويرية اتوترت بس مبينتش : حاضر هروح اجيب الورق وجاية حالا عن اذنك
كريم راح قعد على ترابيزة الاجتماعات فى المكتب يستناها والظرف لسة فى أيده وفتحه ولقى جواه اسطوانة واحدة بس الظرف باين عليه ضخم
حط الأسطوانة فى الاب توب وسمع اللى فيها ثوانى واتصدم من اللى موجود
فى شركة زين ……
سليم ويزيد راحوا الشركة لزين وادم
دخلوا لزين الاول وخبطوا مع بعض
سليم ويزيد فى صوت واحد وصوت اطفال فى الفصل : السلام عليكم ورحمة الله وبركاته
زين استغرب دخولهم وأنهم جم اصلا
زين باستغراب : فى اي يا عيال
سليم ويزيد واقفين قدام المكتب وكل واحد حاطط ايد على الايد التانية قدامه وباصص لزين وشكلهم هيتكلموا جد بس على مين دول حسن وبقلظ 