رواية زمردة الزين الجزء الثاني الفصل الثالث والعشرين 23 بقلم فاطمة سعيد – للقراءة المباشرة والتحميل pdf
عدى اسبوعين وعز مهتم ببطة اكتر والكل بيكلمهم يطمنوا عليهم
وجه ميعاد العملية
بطة نايمة على السرير بخوف : عز انا اتراجعت من عايزة امشى
عز وطى عليها : ينفع تقولى كده يا بطتى متخافيش انا معاكى أن شاء الله خير خلى أملك فى ربنا كبير انا واثق انك هتخرجى من هنا وانتى بتمشى على رجلك ومش بعيد تجرى عليا تحضنينى كمان
بطة بدموع : يا ريت يا عز بس انا بخاف من المستشفى انت عارف
عز : متخافيش طول ما انا جمبك انا هفضل واقف هنا مستنيكى ماشى
بطة هزت راسها بماشى وعز شاور للممرضة تاخدها
بطة على الباب : عز
بطة بدموع : اوعدنى لو العملية منجحتش هتطلقنى وتبعد عنى للابد
عز : بطة مش هوعدك بحاجة مش هتحصل انا مستحيل استغنى عنك عارفة لي
وقرب من ودنها : عشان انا بحبك بطة بصتله بصدمة من اول ما اتولدتى على سريرى وانا بحبك حاسس انك حتة منى يلا روحى وارجعيلى بالسلامة
بطة كانت فرحانة من جواها على اللى قاله بس اتكسفت جدا وبعظين دخلت العمليات وفضلت جوه وقت طويل اوى لحد ما خرجت واتنقلت اوضة عادية
عز بقلق : ها يا دكتور
الدكتور بابتسامة : متقلقش العملية نجحت مع العلاج الطبيعي هترجع تمشى احسن من الاول