رواية زمردة الزين الجزء الثاني الفصل السابع عشر 17 بقلم فاطمة سعيد – للقراءة المباشرة والتحميل pdf
قضوا اليوم كله بين هزار وضحك وفرحة كبيرة بينهم
وخلص اليوم وكل واحد روح بيته
سلمى بتعيط وتحضن رقية
رقية بدموع : لا يا ماما متعيطيش انا هروح معاكى متزعليش
مالك : نعم يا اختى
رقية بدموع : مش شايف ماما بتعيط يا مالك
مالك متاثر مصطنع : لا انا اللى هعيط ترانى تأثرت لحظة ابكى
وحط أيده على وشه بطريقة كوميدية اهئ اهئ
كلهم ضحكوا عليه
رقية بنرفزة : انت بتتريق عليا انا اصلا مش هاجى معاك همشى مع مامتى يلا يا ماما
مالك شدها وشالها ومشى حبه وبعدين لف للعيلة : معلش يا جماعة مضطرين نروح عند عمو مصطفى عشان مراتى مش عايزة تسيب طنط ههه بهزر معاكوا هنطلع شقتنا يلا سلام بقى الله يبارك فيكوا نجمالكوا فى الافراح
وخدها وطلعوا فوق وكلهم بيضحكوا عليه وعلى جنانه وبيتمنولهم السعادة
وكلهم روحوا بيتهم وخلص اليوم
كريم اتصل بجويرية عشان يفكرها بسفرهم
كريم : اي يا جورى
جويرية بضحك : لسة سايباك مفيش ساعة
كريم بهزار : هو انا متصل اقولك وحشتينى يا بت
جويرية بقرف مصطنع : منك لله يا جدع عايز اي
كريم ضحك : ابدا كنت متصل افكرك أن سفرنا بكرة بس