رواية زمردة الزين الجزء الثاني الفصل الخامس عشر 15 بقلم فاطمة سعيد – للقراءة المباشرة والتحميل pdf
رقية بدموع : طلقنى يا مالك
مالك بصدمة : اي
رقية : بقولك طلقنى انت متستحقش كده وانا بكده هكون أنانية انت تستاهل احسن منى و
مالك مقاطعا لها : اي الهبل اللى بتقوليه ده يا رقية انا مش عايز غيرك اصلا ممكن تهدى بقى
رقية بصت الناحية التانية بدموع
مالك بحزن : انا همشى دلوقتى وبكرة هجيلك بدرى واجيبلك الميكب ارتست
رقية مردتش عليه
مالك مشى وهو حاسس اد اي حبيبته اتكسرت لدرجة أن من عشقها ليه بتقوله يبعد عنها
مالك ضرب مقود السيارة بشر وغضب : والله لادفعكوا تمن كل دمعة منها يا ولاد الكلب
مجرد ما خرج انهارت رقية وقعدت تعيط بحرقة
بعد شوية قامت وهى لسة فى عالم تانى وقفلت الباب عليها بالمفتاح
رقية بدموع : انا اسفة يا مالك
مالك كان هيتكلم فى التلفون
اكتشف أنه نسيه عند رقية ورجع تانى عشان ياخده
سلمى بقلق : افتحى يا رقية عايزاكى مش بتردى ليه
مالك جه وسلمى فتحتله
سلمى بقلق : مش عارفة والله يا مالك هى مبتردش عليا اصلا
مالك قلق وراح يخبط عليها : يا رقية افتحى الباب انتى سامعانى طيب
قعد يحاول يكسر الباب لحد ما اتفتح
مالك بصدمة : رقية !
قاعدين على السفرة بيتعشوا
زين : كده كل واحد من الصبح فى حتة صح
روجيندا : انا هصحى بدرى اروح لرقية
عز : وانا عندى شغل فى الشركة هخلصه واجى عشان الفرح