زمردة الزين 
( الجزء الثاني ) 
( الجزء الثاني ) 
فى صباح يوم جديد ….
البنات صحيوا راحوا لرقية عشان خلاص فرحها بكرة والمفروض يخلصوا تجهيزات
صحيت رقية وهى مترددة فى اللى هتعمله وحزينة على نفسها
يزيد طول الاسبوعين دماغه هتنفجر من كتر التفكير وعايز يدور على اى حاجة يثبت بيها براءة سليم أو إدانته
روجيندا وجوان خلصوا امتحانات اخيرا
مالك بيحاول يبعد اى تفكير عن دماغه بس مش قادر مش متخيل ان دى كان ممكن تكون فرحته بفرحه وكمان على حبيبت عمره
عدى النهار وهما بيحاولوا يخلصوا تجهيزات كتير ومستغربين جدا حالة رقية اكنها مش مهتمة بس بيقولوا يمكن عشان هتبعد عن أهلها
روجيندا : يا يا روكة الميكب ارتست بتسال بكرة هتعملى لوك اي عشان تجيب الحاجة اللى هتحتجيها
رقية مديتش رد فعل اكنها مش سامعاها
روجيندا بتهزها : رقية
رقية بانتباه : هاا نعم
روجيندا باستغراب : مالك يا رقية انتى مش فرحانة ليه
رقية بدموع محبوسة : انا كويسة يا روجى اهو
جوان : لا مش كويسة انتى من الصبح كده
مليكة : اي يا عروسة
جويرية : ولا اكننا بنجهز لفرح امى
بطة بدموع : مالكوا بيها يا ولاد
وقربت بالكرسى وحضنت رقية
هى الوحيدة التى تعلم ما بها فرقية وبطة يمثلون بئر وغطاه كل منهما لا تخبئ شئ عن الاخرى