رواية زمردة الزين الجزء الثاني الفصل السابع 7 بقلم فاطمة سعيد – للقراءة المباشرة والتحميل pdf
وفضلوا يتكلموا شوية
رقية خرجت : الف مبروك يا كارما تقدرى تبدأى شغل من بكرة
كارما : بجد اتقبلت
رقية بغرور مصطنع : اهاا هو انا اي حد والا اي
كارما بفرحة وحضنتها : بجد انتى احسن صاحبة ربنا يديمك ليا يا رب
رقية : بس يا هبلة عمو زين اصلا مش بيقبل بالوسايط هو لما لقى انك مناسبة اتعينتى بس كده
حمزة كان فرحان اكتر منها أنها اتقبلت بس عمره ما يروح يقول
حمزة : الف مبروك يا آنسة كارما
كارما : الله يبارك فيك يا استاذ حمزة
حمزة بابتسامة : ما نشيل أستاذ خلاص بقينا زمايل
كارما بابتسامة : اكيد عن اذنك
ومشيت هى ورقية
رقية بغمزة : لسة مشتغلناش اصلا وبنظبط
كارما ضربتها فى كتفها : بس يا بت نظبط اي
رقية : لا ولا حاجة اصل كنت بقول فى نفسى كده أنك خدتى على حمزة من أول خمس دقايق
كارما بتوتر : والا خدت والا حاجة هو انا فتحت بوقى
رقية : أما نشوف يلا يا اختى على التجهيزات لازم نروح نشوف الفستان بتاعى خلينا نعدى على البنات الاول ونجيب البت ميرا
كارما : تمام يلا
عند يزيد فى المكتب ….
دخل سليم بجدية : سلام عليكم يا حضرة المقدم
يزيد ببرود : عليكم السلام اتفضل
سليم : انا كنت جاى لحضرتك عشان المدعى ……. انا المحامي الموكل ليه