ياريتنى مكانها كان لازم اكون انا مكانها ليه وقفت قدامى ليه
رواية زمردة الزين الجزء الثاني الفصل الثامن 8 بقلم فاطمة سعيد – للقراءة المباشرة والتحميل pdf
وبقى يبص على أيده وهدومه اللى مليانة دم وقميصه الأبيض اللى بقى احمر
زين : فوض امرك لله متقلقش
عز بدموع : ونعم بالله
وأكمل بشر : اعرف مين عمل كده ومش هرحمه والله ما هسيب نقطة دم نزلت منها تروح هدر بس هى ترجعلى بالسلامة
زين لمح الشر فى عيون ابنه : متخافش يا عز اللى اتعمل كده اتقبض عليه رجالتى خدوه وهو بيحاول يهرب نتطمن عليها ونفوقله
عدى اكتر من تلات ساعات فى تعب الاعصاب ده وفجأة خرج الدكتور من جوه
كلهم جريوا عليه : طمنا يا دكتور
الدكتور وهو بيقلع الماسك بتعب : مقدرش أخبى عليكوا يا جماعة انا اسف بس الرصاصة جت فى نص العمود الفقري واضطرينا نستأصل حاجات وده اثر على حاجات كتير اوى منها الحركة ممكن متقدرش تتحرك
سلمى بانهيار : يعنى اي بنتى اتشلت
عز الدين باصصله بصدمة
الدكتور : انا اسف لحضراتكوا بس هى دى الحالة هما هينقلوها الرعاية دلوقتى انا اسف مرة تانية عن اذنكوا
كله واقف مكانه مصدوم واللى منهار ومش قادر يستوعب لسة اللى حصل
قطع تفكيرهم خروج بطة على الترولى والممرضات بياخدوها على الرعاية
الكل جرى عليها وعز مش قادر يتحرك حاسس ان هو اللى اتشل