رواية زمردة الزين الجزء الثاني الفصل السادس 6 بقلم فاطمة سعيد – للقراءة المباشرة والتحميل pdf
كل البنات كانوا لابسين فساتين
شبه بعض ونفس اللون وكل حاجة
كانت فساتين لونها نبيتى ضيقة من فوق ونازلة على واسع ومن الوسط لتحت كده شيفون وطرح نفس لون الفستان وكانوا قمرات اوى
والولاد كذلك كانوا لابسين بدل سودة مع ببيونة نبيتى وكلهم نفس اللبس بردو
بس لكل واحد جماله اللى تانى شايفه مميز بيه هما يدوب شبه بعض فى اللبس
زين من وراهم بفزع : بتبحلق فى اي يلا انت وهو
كلهم اتفزعوا ولفوا لزين
زين : كل واحد على مكانه يلا
قعدوا وكل عيلتين اتفقوا مع بعض وقروا الفاتحة واتفقوا ينزلوا تانى يوم يجيبوا الشبكة وبعد اسبوع الخطوبة
زين : انا بقول كل عريس ياخد عروسته ويجيب لها اللى عاوزه وأكمل بضحك : مش لازم نكون رباطية فى الشبكة فى الاخر دى هدية العريس للعروسة
خلص اليوم وكل واحد فرحته متتوصفش سواء عرسان أو عرايس
كل واحد خد عروسته وجابلها شبكتها على زوقه
عند يزيد وجوان
جوان : لا متجيبش سلسلة يا يزيد مش عايزة
جوان بابتسامة وهى بتمسك اللى فى رقبتها : عشان معايا واحدة من زمان اوى
يزيد بابتسامة حب : هى لسة معاكى
جوان بابتسامة : مقلعتهاش من ساعة ما اديتهالى من وانا عندى اربع سنين
يزيد بمرح : ده زمان رقابتك بتدعى عليا