رواية زمردة الزين الجزء الثاني الفصل السادس 6 بقلم فاطمة سعيد – للقراءة المباشرة والتحميل pdf
وشاور على زمرد
زمردة : اما انى معرفتش اربى
الواد ده ابن مين
يزيد بصوت اطاطا : ابن بنت بنت بنت بنتى
كلهم ضحكوا عليه الواد ده عايش يضيف البهجة فى البيت زيي بالظبط ربنا يحمينا بجد 
زين : انا موافق خف انت بس ومالكش دعوة
يزيد قام من على سفرة الفطار وبيغنى بصوت عالى : هتجوز هتجااوز هتجوز هتجااوز
انا خلاص هتجوز وهبطل ابص على البنات هتجوز هتجااوز
كلهم ضحكوا عليه
زين بخبث : مش ناوى تتجوز انت كمان يا عز ده انت الكبير
عز : والله يا حج العروسة موجودة بس لسة شوية
زين بخبث اكبر : ويا ترى مين العروسة
عز : اكيد يعنى وقطع كلامه وأكمل بخبث : هتعرف بعدين يا حج
زين بابتسامة : مااشى يلا بينا بقى
زمردة : انتوا هتسيبونى مع البهلوان ده لوحدى
يزيد بمرح وخرج من الاوضة : طلقنى لو مش عاجبك طلقنى
كلهم ضحكوا عليه
وكل واحد راح شغله وكليته ماعدا يزيد تانى
عدى الوقت وجه الليل واتجمعوا كلهم فى بيت زين وجه كمان راجح وعيلته لما عرف اللى حصل ليزيد
وكلهم قالوا ليزيد : الف سلامة عليه وكده
سليم بهمس فى ودن زين : هى البت بنتك لسة موافقتش
زين ضربة فى بطنه : لم نفسك يلا اي بت بنتك دى
سليم بالم : انت وولادك عليا يا عم حددلى ميعاد بقى