رواية رمضان في بيت الاستاذ نافع (كاملة جميع الفصول) بقلم منال كريم
أول يوم رمضان
في بيت نافع اصوات عالية،مع صوت التواشيح.
في صالة البيت
يبص نافع على ابنه اللي بيعلق الزينة و قال و هو يزعق: خلص بقي يا أبني ،المفروض كنت علقت الزينة دي امبارح مش النهاردة وسط الدوشة دي.
رد زين بهدوء: امبارح كنت سهران مع اصحابي.
ضربه نافع على رجله و قال: علشان أنت فاشل و صايع،و مشي وراء أصحابك.
زين: ما براحة يا حاجة بقي، كل الشباب كده.
رد زياد الاخ الأصغر : يا بابا مش وقته ليقع و تنكسر رقبته.
قعد نافع على الكرسي وقال: ياريت و نرتاح منه.
خبط الباب، قام نافع يفتح بسعادة، أما زين قال بغيظ: قابل يا عم الهكسوس وصلوا.
أبتسم زياد و قال : خليها في سرك لأختك تزعل.
زين: اتكتمت.
فتح نافع الباب علشان يستقبل بنته زهراء و ولادها سليم و صالح و نور.
زهراء: عامل ايه يا بابا
نافع: الحمد لله بخير يا حبيبتي ،كل سنة و انتوا طيبين
زهراء :و أنت طيب يا حبيبي
نافع: فين جوزك
زهراء: وصلني و قال يروح كام مشوار و يجي على الفطار
زين بهمس لزياد: و لا أنت الصادق هو هرب من ولاده.
زياد: أخرس بقي.
نزل نافع على الأرض و قال: ايه رايكم نلعب في الجنينة.