كانت بين الاحضانها وهي تبكي بقوه وحرقه شديده منذو المساء وهي علي هذا الوضع لتقول وتين بغضب شديد.يا بنتي ارحمي امي وكفايه كده يخربيتك يا شيخه انا تعبتلك واللهي
كارما بدموع شديده.هو مع واحده غيري يا وتين انا رفضته علشان كده هو راح لواحده تاني دلوقتي
تبتسم وتين وتمسح علي شعرها وتقول بثقه شديده.بس يا هبله ايهم عمره ما يخون
كارما بدموع وغضب.هو حلف يا وتين وقال لو طلع من غير ما ياخد اللي هو عايزو هيروح ياخدوا من واحده تاني وانا حاسه انه مع واحده غيري واللهي حاسه
تضربها وتين علي رأسها وتقول.احساسك كداب يا كلبه قولتك ايهم يعمل كل حاجه الا انه يخون يا كوكو اتهدي وبطلي عياط بقي انا تعبت بجد
تبتعد كارما عنها وتنظر اليها وهي تعود الي الخلف وتقول بخوف ودموع.انتي تعبانه يا وتين اتصل بايهم يجي يوديكي لدكتور
تبتسم وتين وتضع يدها علي وجهها وتمسح دموعها وتقول.انا تعبت من دموعك يا كوكو كفايه وثقي في ايهم شويه مش كده
تنزل دموع كارما بحزن شديد وتقول.مقدرش اثق في يا وتين انتي مشفتيش نبرته وهو بيقولي هيروح لغيري نبرته دي تخليكي تتاكدي انه راح فعلاً
تنفخ وتين بقوه وتقول.ايهم بيقول حاجات كتير يا كارما وده مش معني انه هيعمل كل ده هو بس بيقول كده علشان يعصبك مش اكتر
تمسح كارما دموعها وتقول.يعني هو مش هيروح لغيري
تضحك وتين بخفه وتقول.لا يا بت الهبله مش هيروح وبعدين انتي رفضتي ليه من امتي وانتي بتعملي كده يا كوكو
تبتسم كارما بحزن شديد وتقول.مش عايزه يقرب مني وانا معرفش علاقتنا دي هتمشي ازاي يا وتين مش عايزه احس اني لعبة في ايده يقدر يسبها في الوقت اللي هو عايزها وياخدها في الوقت اللي هو عايزو علشان كده قرارت اني مش هخلي يقرب مني غير لما احس ان اخوكي في امل وده معقدش وشكلي هطلب منه الطلاق علشان اقدر ارتاح
تتعدل وتين وتقول بصدمه.كارما انتي بتقولي ايه اوعي تعملي ده يا كارما اوعي
تنظر اليها كارما وتقول.معملش ده علشان عارفه اخوكي هيطلق من غير ما يفكر يا وتين مش كده
وتين بغضب شديد.لا علشان مش عايزكي تخربي علي نفسك يا كارما انتي لو طلبتي الطلاق ايهم هيفكر انك شايفه غيره زي ما قالك قبل كده وانتي اللي هتخسري بجد متطلبيش الطلاق دلوقتي حتي لو حصل ايه فاهمه
تنزل دموع كارما بحزن ووجع شديد وتقول.انا تعبت يا وتين واللهي تعبت ومبقتش قادره عليه خلاص
تضمها وتين بقوة وتقول.خلاص يا بت انتي تعبتي امي الغلبانه معاكي اهدي وهنفكر انا وانتي علي خطه تخلي يتهبل ابن ماسه بس اهدي انتي واطمني
تضحك كارما بخفه وتقول.يتهبل اكتر من كده حرام يا روح الروح
تضحك وتين وكانت ان تتحدث لاكن تسمع صوت دق علي الباب وتبتعد كارما عنها بسرعه وتمسح اثار دموعها تنظر اليها وتين وتبتسم وتقول.ادخل
يفتح ايهم الباب وينظر اليها ويبتسم وينظر الي كارما ببرود شديد ويذهب الي وتين ويقبل رأسها ويقول.عامله ايه يا اميرة
تبتسم وتين وتقول.كويسه اوي
تنهض كارما وتقول.انا هروح اخد دوش يا وتين وهجيلك علي طول
نهت كلامها وتذهب الي الخارج ينظر خلفها ايهم ببرود شديد وتنظر اليه وتين وتمسك يده وتجلسه أمامها ليمسكها ايهم من كتفها ويقول وهو يعودها الي الخلف.نامي يا وتين دي حركة وحشه علي الجروح خليكي كده احسن
قال هذا وهو يعودها الي حافت السرير لكي تفرد ظهرها تبتسم وتين وتقول.اتصدق مرات كتير اتمنت ان شريك عمري يكون زيك يا ايهم بس كنت اتراجع في نفس الثانيه اللي اتمني فيها
يتسطح ايهم بجانبها ويسحبها الي الاحضانه بهدوء ويقول.ليه بقي
تبتسم وتين وتقول.علشان عارفه ومتاكده انك مش بتعامل كارما زي ما بتعملني يا ايهم وده اكتر حاجه مش بحبها فيك كارما حنونه وتستاهل الدنيا كلها تحبها ليه انت مش بتحبها يا ايهم
ينظر ايهم الي سطح الغرفه ويقول ببرود شديد.ومين قالك اني مبعملهاش حلو يا وتين بالعك
قطعت كلامه وتين التي قالت وهي تدفن راسها بين الاحضانه.هتكون كداب لو كملت يا ايهم انا عارفه انك بتعامل كارما ببرود وطريقه انت اخويا لو اتعملت بيها معايا انا هكرهك بس كارما بتحبك وانت عارف ده كويس صح معرفش بتحبك علي ايه بس القلب ملوش سلطان
ينظر ايهم الي الاعلي ويقول بجمود شديد.وايه كمان يا وتين هانم
تبتسم وتين وتنظر اليه وتضع يدها على وجهه.انت عارف ان لما حد يسال كارما عنك بتقول انك احسن واحد في الدنيا كلها وانها عايشه معاكي بسعاده في عز معملتك معاها عمرها ما جابت سيرتك غير بالخير يا ايهم تخيل ان جاسر جاه يسالني انا عن حيات بنته وكان عايز يعرف هي عايشه ازاي واذا مبسوطه ولا لا بعد ما سالها وقولتله انها مرتاحه معاك
لا يعرف لماذا لاكن ابتسم ايهم ابتسامه لا تعرف تفسيرها وتين التي ابتسمت وقالت.واللهي ما هتلاقي احسن من كارما ليك يا ايهم ومفيش واحد في الدنيا كلها هيلاقي احسن من كارما بجد مش علشان هي صاحبتي بس بجد كارما احن واطيب قلب في الدنيا كلها عمرك ما هتلاقي زيها يا ايهم حافظ عليها واوعي تسمح انها تكون لغيرك في يوم كارما كتير كان يتمناها لي بس هي اختارتك انت يا ايهم
ينظر ايهم بعيد عنها وهو يشعر بنار تحرق بداخله من جملتها اليه تبتسم وتين وتدفن حالها بين الاحضانه وهي تريد ان توعي شقيقها لكي لا يجعل كارما تضيع منه ويضمها ايهم الي الاحضانه وينظر الي الاعلي وهو يفكر في حديثها ويسمع صوت هاتفه يدق يخرجه وينظر الي الرقم ويرفعه علي أذنه وتسمع وتين التي يقول بغضب شديد.انت فين يا ايهم ووتين فين
تبتسم وتين وتقول في داخلها.وتين ضايعتها من زمان اوي يا وحش بس انت لسه مش واخد بالك من حاجه زي دي
ايهم ببرود شديد.وانت مالك ياخويا اختي معايا ولا انت ولا غيرك هيشوفها تاني علشان تكون في حضنك ليلة دخلتك كويس
دياب بغضب أشد.ايهههههههههم كفايه كده وقولي اختك فين عايز اشوفها دلوقتي
يبتسم ايهم ببرود وينظر الي وتين التي نظرت اليه بأنه لم يقول الي دياب شئ ليبتسم ايهم ويقول.دياب انت قرفتني وانا عايز اجهز علشان عندي شغل يلا اقفل
دياب بصوت عالي.ايهم اوعي تتحدني علشان انا مش ناقصك هتقولي اختك فين ولا لا
ايهم ببرود شديد.لا يا دياب واعل
قطع كلامه دياب التي غلق الهاتف علي الفور يضحك ايهم بخفه ويقول.يلا يستاهل كل خير
تبتسم وتين وتبتعد عنه وتقول.قوم خد دوش وتعال علشان نفطر مع بعض احنا وكارما بس خد دوش علشان رايحتك خمره
ينظر إليها ايهم وينهض بسرعه ويقبل جبهتها ويذهب الي الخارج تتنهد وتين بقوة كبيره وهي تتمني ان يفهم ايهم الحديث التي قالته اليه الآن ويعرف قمية كارما قبل فوات الاوان