كانوا يجلسون في غرفة وتين وهم يرتدون ملابس مريحه وتنهض حلا وتقول.تعالو نلعب
تعود كارما بظهرها الي السرير وتقول.معرفش ايه حكايتك مع اللعب يا حلا يا بت اكبري شويه مش كده
حلا بغيظ شديد.وهستفاد ايه لما اكبر يا كارما
تضربها وتين علي كتفها وتقول.هتعقلي وهتفكري صح يا خفيفه
تنفخ حلا بقوه كبيرة وتقول.انتوا عيال باردين اوي بجد انا مش عايزه اعقل ولا افكر حتي
وتين بخبث شديد.ما يا هبله لما تعرفي تفكري كويس هتعرفي تخلي اود يتلحلح وياخد خطوه زي الناس
تتوتر حلا بشدة وتقول.ود مين انا معرفش ولاد
تضحك ريماس بقوه وتقول.لا وعلي كده احنا صدقنا يا بت ده انتي مفضوحه اوي وكل العيله عارفه انتي عينك من مين
تنهض حلا وتقول بصدمه شديده.لا اوعي تقولي يا مصابتك يا حلا يا مصابتك
قالت هذا وهي تضرب علي وجهها لتضحك كارما بقوه وتقول.اهدي يا بت الهبله كفايه فضايح كده انتي مشفتيش نفسك انهارده لما قال علي وتين قمر كان شكلك مفضوح اوي ولوله ان العيله كانت مشغوله بوتين كان كله خد باله
حلا وهي تكاد ان تبكي.لا انا لازم امشي ومش هيجي هنا تاني
وكانت ان تذهب لاكن تمسكها وتين وهي تضحك وتقول.خدي يا هبله واهدي محدش واخد باله منك غيرنا احنا اهدي كده
تضحك سيلا بقوه علي شكل حلا وتقول.اهدي يا حبيبتي مش كده خدي اشربي عصير
تمسك حلا منها الكأس وتشرف منه وهي تنظر الي الأرض وتقول وتين بضحك.لا ولا امبارح لما قال تعالي نتجوز وشها قلب الوان الطيف
تضحك كارما وتقول.انا خدت بالي من انهارده بس امبارح كانت مستخبيه ومشفتهاش
حلا بغيظ شديد.هي الحفله عليا ولا ايه ما خلاص ياختي منك ليها
تضع ريماس يدها علي كتفها وتقول.خلاص هدي يا قمر دول شويه عيال هلس ومش لقين حاجه يعملوها
تنظر وتين اليها وتقول بخبث وبرود.ما بلاش انتي يا بت ريما
تتوتر ريماس بشده وتذهب تجلس دون ان تقول كلمه واحده لتبتسم وتين وتقول اليها كارما.مالها البت دي لا تكون بتحب في السر هي كمان
سيلا بغمزه اليها.وانتي مين قدك يا كوكو انتي الوحيد اللي كرشتي عليه وحبتي اتجوزتي ودلوقتي بقي جوزك بدل ما كان الكرش بتاعك
ترمي كارما عليها الوساده وتقول بغضب متصنع.نقي فيها ياختي هروح القي مطلقني بسبب عينك دي
وتنظر الي وتين وتقول.قولي يا بت البت دي بتكرش علي مين
تقترب وتين منها بشدة وتهمس اليها بحديث لتشهق كارما بصدمه شديده وتقول وهي تنظر الي ريماس.يخربيتك يا بت الجزامه ميبنش عليكي يا بت
تنظر ريماس الي وتين بغضب شديد وتقول.انتي بادره اوي علي فكرة
وتين بصوت عالي.مين دي اللي بارده يا بت ما تلمي نفسك شويه
تنهض ريماس وتقول بغضب أشد.ليه ياختي شايفني متبعتره ولا ايه
تتسطح وتين علي السرير وتقول.انا مش شايفكي اصلآ
تضحك حلا وتقول.حلوه لايك لوتين
تنظر اليها ريماس بغضب شديد وكانت ان تتحدث لاكن يدق الباب وتقول وتين.ادخل
تدخل خادمة وتقول.كارما هانم ايهم باشا عايزك
تنظر اليها كارما وتنظر الي وتين التي قالت ببرود.روحي قوليله انها نايمه معايا انهارده
اومالت لها الخادمه وتذهب الي الخارج وتقول سيلا.لو حد غيرك عمل العمله دي مش بعيد كان في قبره دلوقتي يا توته
تنظر اليها وتين وتمسك الوساده وتضعها اسفل رأسها وتقول.رايحي يا بت علشان انا لا طايقكي ولا طايقه البت دي
قالت هذا وهي تشير الي ريماس التي نظرت اليها بغضب شديد وتبتسم وتين وترمي عليها تفاحه من التي أمامها وتقول.خلاص يا قطه هدي اعصابك وبعدين دي كارما مننا يعني اطمني
تنظر ريماس الي كارما التي لم تكون معهم فهي تفكر في الذي يفعله ايهم الآن بعد ان تذهب اليه الخادمه وتقول.كارما مش معانا أصلا
تنظر وتين الي كارما وتبتسم وهي تعلم بماذا تفكر وتنظر أمامها وهي تفكر أيضاً في التي تفعله بعد الآن