تفتح عينيها علي صوت هاتفها وهي لم تنام سوا قبل ساعات قليلة تمد يدها وتمسك هاتفها وتنظر إليه تره عدي لتبتسم وترد عليه وتقول.يعني الزمن اختلف يا دكتور المفروض انت اللي تكون نايم دلوقتي
يتنفس عدي بقوه وراحه شديده بعد ان اطمن عليها ويقول.هو اللي يعرفكم يعرف نوم ولا راحه يا اميرة دي تكون عيبه في حقكم واللهي
تضحك وتين بخفه وتقول.واللهي العيبه اللي انت بتقوله ده يا ابني احنا اللي يعرفنا ميشفش حاجه في حياته غير الراحه
يبتسم عدي ويقول.ابتدينا كدب المهم عامله ايه يا اميرة الجارحي العمليه تعبكي
تبتسم وتين وتقول.لا مش تعبني وانا كويسه جدآ
عدي بخبث شديد.انتوا فين يا توته عايز اشوفك واطمن علي العمليه بنفسي انتي عارفه لو لا قدر الله العمليه باظت هتكون سيرتي زباله اوي وخصوصاً ان دي زايده يعني مش حاجه كبيره
وتين بغيظ شديد.ولا انت عايز تضحك عليا مش كده
ينفخ عدي ويقول.الصراحه اه بس انا عايز اشوفك واطمن عليكي بجد يا وتين انتي فين
تنظر وتين أمامها وتقول.هتبعتلك الوكيشن هات البنات علشان وحشوني اوي وتعال بس مش عايزه حد تاني يعرف يا عدي ممكن
يبتسم عدي ويقول.عايزه انهي بنات يا وتين
وتين بغيظ وغضب.هو في غيرهم قدري الاسود هاتهم وتعال وهات البت بت غزل معاك
عدي بغيظ شديد.ما انا شاغل عند اللي جابوكي ياختي اقفلي يا وتين اقفلي علشان انتي صوتك بيعصبني
وتين برقه شديده.انا صوتي بيعصب يا دودي
ينظر عدي حوله وهو يدخل المستشفى ليره اذا احد استمع اليها ام لا ويقول.اقفلي يا وتين اقفلي يا حبيبتي واوعي يكون حد من عندك سمع الدلع اللي يعر ده
تضحك وتين بخفه وتقول.لا انا لوحدي يلا باي باي يا دودي يا قمر
نهت كلامها وتغلق الهاتف بسرعه كبيره قبل ان يتحدث وتنظر الي الهاتف وترسل اليه مكانها لكي يأتي اليها وتنهض ببطئ شديد وتذهب الي غرفه الملابس لكي تبدل ملابسها