هزت “كادي” و “كريم” رؤوسهما بموافقة وهما يركضا خارج الغرفة ويتبعهما “مروان” بخطاها الواسعة موصدًا الباب خلفهما قبل أن يلتفت نحوها بأعين انفجرت بها براكين الغضب ثائرة.
اقترب منها وهو يغمغم بصوت جاهد لخفضه وهو يصك أسنانه ضاغطًا كل حرف تفوه به :
– أقدر أعرف إيه اللي حصل ده؟
ضيقت أحداقها بدهشة من سؤاله الأحمق هذا، فكل معطيات الحادث عنده بأدق تفاصيلها، لتغمغم مستنكرة :
– تعرف إيه؟!.. ما أنت عارف كل حاجة، وكنت معايا في كل حاجة.
سحب نفسًا عميقًا وهو يقترب منها بغضب أكبر مرددًا :
– إيه اللي دخلك عنده من الأساس؟
قطبت جبينها بصدمة أكبر وهي تُجيبه ببعض السخرية :
– مريض وكان في حالة هياج، وكان لازم دكتور يدخل يسيطر عليه.
صك أسنانه أكثر وهو يفرك كلا كفيه ببعضهما البعض مرددًا :
-وحضرتك الدكتورة بتاعته عشان تسيطري عليه؟
نهضت من مجلسها مغمغمة بتبرير :
– لأ.. دكتور “مراد” هو الطبيب المعالج ليه، بس مجاش النهارده لأنه اشتباه كورونا.
سحب “مروان” نفسًا عميقًا لصدره للحظات قبل أن يزفره بهدوء مرددًا بحدة :
-من يوم ما نزلتي تشتغلي بعد الجواز وإحنا متفقين إن شغلك من الأطفال أو الستات.. كمان متفقين إنك متتعرضيش لمعاملة مع أي مريض راجل، ومعاملتك مع زمايلك الدكاترة تكون في أضيق الحدود.