أبعدت حور يده عنها و قالت بنرفزة :
-كفاية كدب بقا كفاية حب ايه و انت مش عايز تخلف مني بتحرمني من حاجه حتى من غير ما تقولي
-والله العظيم بحبك يا حور و السبب عشانك انتي، مش هقدر اقولك حاجه واضحة بس انا عايزاك انتي
صرخت به حور لتقطع حديثه و قالت بحدة :
-لو معندكش سبب واضح طلقني
اندهش عاصي و قطب حاجبياه متعجبا و قال :
-مستحيل أطلقك يا حور
-يبقى اديني مبرر؟
زفر عاصي بحنق ليتملك أعصابه و قال :
-عادي يا حور عادي مكنتش عايز اخلف بس لو انتي عايزة عادي براحتك
لم تقتنع حور بحديثه و استشعرت الكذب و قالت :
-مش مصدقة يا عاصي، مش انت اللي هتخاف تقولي انك مش عايز تخلف، اكيد عندك سبب تاني
-بصي يا حور انا كلامي خلص و بعدين انتي حره
امسكت حور يده و قالت :
-عاصي بلاش تخذليني المرة دي كمان
ابتلع عاصي ريقه فهو لا يريد أن يخذلها أو يجعلها تكره و لكن يخشى أن تتركه يخشى من أن يصيبها مكروه لوالده لم يدعها و شأنها
تنهدت حور و كررت حديثها مرة أخرى و قالت :
-ارجوك يا عاصي جاوبني
رفع يدها ليقبلها و قال :
-جوابي الوحيد اني بحبك يا حور
نظرت له و قالت :
-مش قادرة اصدقك يا عاصي
تنهد عاصي و قال :
-ما تيجي نسافر يا حور، ننزل القاهرة و نعيش هناك و وقتها مش هيكون في حاجه