رتب عاصي عليها و قال :
-اخرجي و روحي عند حبيبة و انا هتصرف
اندهشت أمنية و قالت :
-انت بتتكلم جد
-اها مش مضطرة تعملي حاجه غصبن عنك، حبيبة موجودة في البيت بتاعي كلميها و روحي عندها، بس اخرجي بسرعة
و بعد ذلك خرج عاصي من الغرفة و اتجه إلى وليد الذي كان يتجهز و بلال معه
-وليد، العروسة طفشت
وليد بغضب :
-نعم؟ ليه العيلة مفهاش رجالة
عاصي بحدة :
-و انت دلوقتي هتنزل تقول لابوك انك مش عايز تتجوزها
بلال بتعجب :
-هو في ايه يا عاصي
أشار له عاصي بأن يتوقف و قال :
-الكلام خلص
-و ابوك يا عاصي
عاصي بتهكم :
-ابويا مش فاضي لحاجات كتير اوي
___________
رواية دماء العشق بقلم اسماء صلاح
بالغرفة الملحقة بحديقة المنزل التي جهزها و كأنها غرفة عمليات
بدأ الطبيب في إجراء العملية القيصرية و التي أخذت وقتا و بعد اخرج الجنين أعطاه لمنصور الذي كان يقف بالخارج و قال :
-حالة الطفل صعبة لازم يتحول لدكتور اطفال
-و أمه عامله ايه دوك؟
-الولادة في ميعادها مش صحية بس هي لحد ما حالتها مستقرة
منصور بخبث :
-طب انا مش عايزها تفوق؟
الدكتور باستغراب :
-مش فاهم؟ قصدك يعني….
ابتسم منصور و قال :
-بظبط اكدة ياما ماتت نساوين و هي بتولد، انا هاخده و انت اظبط الاوضة و خد حاجتك من غير ما حد يشوفك