بسمة بدهشة :
-انت مش جوزي و البتاعة اللي متجوزها دي عشان تخلف منها
-بسمه انا مش عايز اسمع صوت و ارجعي القاهرة تاني تمام
بسمه بضيق :
-عاصي انا بدأت اتضايق
-بسمة سيبك من الدور دا تمام، انتي مش مضطرة تمثلي خالص، انتي عارفه انك مجبورة على الجوازه دي زيي بظبط و مهما حاولنا مش هتنفع
بسمة بتعجب :
-بجد و انت فاكر دا دلوقتي؟ احنا خلاص بقينا أمر واقع يا عاصي و بعدين مالها حياتنا أظن اننا مثالين جدا خصوصا بعد ما الطفل يتكتب على اسمي و نبقى اب و ام
عاصي بسخرية :
-أم لابن درتك
بسمه بغيظ:
-أنا متقارنش معاها أصلا
-عندك حق في دي الصراحة لأنها أفضل منك ميت مرة، بقولك ايه يا بسمة ما تسافري تقضي يومين في باريس و لا لندن و اعملي شوبنج و بعدين تعالي قوليلي انت جوزي و مش جوزي
بسمة بحزن :
-عاصي على فكرة انا بحبك بعيد عن إيه حاجه تانيه
-بسمة انا مش عايز رغي ملهوش لأزمة و بقولك جيتك ملهاش لأزمة و لو على حور سيبك منها
بسمة بتوعد:
-عاصي مش انا اللي اتساب عشان حته بت ملهاش لأزمة و اصلا اهلك وافقوا عليها عشان تبقى ارنبة تجيب العيل و تغور
-بصي بقا يا بسمة آخر الحوار، الاتفاق بتاعي معاكم باح، يعني انا و لا هكتب عيل باسمك و لا هخليكي على ذمتي، كله مجرد وقت بس