تهاوت دمعه من عينها و قالت :
-مراتك بالكذب يا عاصي، ليه مقولتش؟
-بجد انتي عايزاني اجي اقولك اني هتجوزك على مراتي
تنهد عاصي و اكمل ” انا بحبك انتي يا حور و بسمة دي ملهاش إيه لأزمة في حياتي”
-و انا مش هعيش على ذمة راجل كداب زيك
و أخذت شنطتها و غادرت، ذهب هو خلفها و لكنها كانت تتسابق بخطواتها و قامت بالاتصال بحبيبه لتطلب منها أن تذهب لها على منزلهم
جذبها من ذراعها ليوقفها و قال بعصبية :
-انتي بتعملي إيه؟
-ابعد عني يا عاصي و خليني امشي
-لا يا حور مش هتمشي و اعملي حسابك انك هتنامي في بيتك
افلتت يده منه و قالت بغضب :
-كفاية بقا انا مش عايزة اسمع منك حاجة، مش انت اتجوزتني و نفذت اللي في دماغك، خلاص بقا طلقني
-هو انتي ما بتصدقي تلاقي سبب
نظرت له و اختلط البكاء بحديثها و قالت :
-لما اكون نايمه في حضنك بليل و تاني يوم اروح شغلي و الاقي واحدة داخلة تقولي كدا عايزني اعمل ايه؟ و لما اقولك بحبك و اكتشفت انك بتديني حبوب منع الحمل، و الله اعلم في ايه تاني
-اعملي إيه حاجه بس خليكي معايا، انا هسيبلك البيت
زفرت حور بحنق و قالت :
-ونبي يا عاصي بلاش تعيش دور انك مش قادر تستغني عني و الحوار
-دي الحقيقة يا حور، خليكي معايا و انا اللي همشي