الفصل الثاني عشر
ثواني معدودة من بعد تفوها من تلك الكلمة جعلتها تشعر بأن الأرض تدور بها بقوة رهيبة كأنها تسابق الريح
و قالت باستنكار :
-انتي مراته ازاي يعني؟
بسمة بسخرية :
-انا مراته الاولى و هو اتجوزك عليا عشان ..
قطع حديثهم دخول عاصي المفاجئ و قال :
-عشان بحبك انتي يا حور
قامت بسمة و قالت :
-والله
-اطلعي برا و امشي بدل قسما بربي لأفرج البلد عليكي
لوت بسمة فمها باستنكار و خرجت من العيادة، تاركة الباب خلفها
نظرت لها حور تريد الإجابة على تلك الأسئلة التي دارت بعقلها و قالت :
-ايه يا عاصي بتفكري هتكدب عليا ازاي و لا إيه؟
اخفض نظره شاعرا بالذنب على ما فعله معها و قال :
-مش هكدب يا حور
حور بعصبية :
-بس بقا كفاية قرف لحد كدا، طلقني يا عاصي
غضب عاصي و سحبها معتصرا ذراعها بين قبضته و قال :
-طلاق مش هطلق يا حور انسى فاهمه و بعدين فيها ايه تبقى زوجة تانية؟
نزعت يدها منه و حدقت بعيناه بثبات قائلة :
-يا اكون انا لوحدي أو يكون المكان مش ليا، و قولتلك الا الكذب يا عاصي
-بحبك يا حور، كنتي عايزاني اعمل ايه و انتي كل شوية بتقفلي الباب في وشي، فضلت احاول كتير، مهما اتجوزت و عرفت ستات كتير انتي الوحيدة اللي اتمنيت انها تكون مراتي و حبيبتي