رواية خطيب مؤقت (كاملة جميع الفصول) بقلم عمرو ليث (الرواية كاملة)

: انا اسف حقيقي حقك عليا 

• هتبطل إللي بتعمله أمته

: أعمل اي طيب بحبك وخايف عليكي 

• مش بالشكل ده 

: حاضر هحاول 

• الوضع بقي يخنق يا محمد بجد

: أعمل أي يعني يا رحمة

• ممكن تمشي يا محمد بجد مش عايزة أتكلم 

: همشي ونتكلم في وقت تاني 

مشيت وأنا حاسس بالذنب تجاه رحمة، حاسس أني ظلمتها بعد إللي عملته معاها وشكيت فيها، بعد ما نزلت من عندها مشيت وأنا متضايق عشان زعلتها، مأنا مش عارف أعمل أي بغير عليها، تصرفاتها هي السبب، هحاول أصالحها بكره بطريقتي . 

• عاجبك كده خليتيني أكذب

: معلش يا ملك بجد

• أنا أي ذنبي تحطيني في الموقف ده

: خلاص يا ملوكة كل ده عشان قولتلك تقولي أني كنت معاكي

• بس أنتي مكنتيش معايا ليه الكذب

: كذبة بيضة 

• مفيش كذبة بيضة ولا كذبة سودة الكذب كذب يا رحمة

: خلاص طيب وبعدين أنتي بعتي فلوس بجد! 

• ايوة عشان لو مقتنعش بكلامي يشوف الفلوس إللي بعتهالك عشان ميشكش كمان أننا متفقين

: أي دماغك دي بجد

• على الله بس تعملي بيه 

: هعمل ياحبيبتي أردهالك يوم فرحك

• أبعتي الفلوس طيب

: هبعتلك الفلوس وعليهم بوسة كمان . 

حمدت ربنا أن ملك أنقذتي المرة دي، مش عارفة الواحدة من غير صحابها كانت هتعمل أي والله، كنت عند الراجل بنتفق علىٰ المصلحة الجديدة، وهو مستعجل عشان مسافر كمان يومين، خلصنا الورق باقي بس أظبط الدنيا عشان محدش يحس بحاجة .