رواية خطايا واجتثاث كامله وحصريه بقلم نور البصري – للقراءة المباشرة والتحميل pdf
سديته وايدي ترجف بلعت غصتي و حشرجت بلعومي واني ارجف بساع طلعت حبوب الضغط..
و اني كوة استند للحيطان و مر طيف مجرد طيف يوم الفتحت الباب و استلمت ذيج الگونية خليت ايدي على صدري و اني اجر نفس كوة ومحسيت الا وكعت..
صوت الدي جي العالي ازعجني رحت كمت بكل همة لغرفة بنتي فتحت الباب رفعت ايدها الي بعلامه هلو
واستمرت ترقص زومبا اجت سحبتني
: يلة ماما ترى الشحوم باردافج تاتنفجر
: انجبي ادب سز ترى اليوم عطلة وانت ضوضاء اريد ادرس..
: يعني قررتي تكملي دراسات..
: واذا بيوم طلب المستثمر نفرغ البيت
ابتسمت واني افكر بالمشتل الي ديزدهر وكلام العم برواش ومديحه الي بينلي ذول مستحيل يتخلصون مني
: مراح يستغني عني لأن المشتل وارده قوي و هو مبين طماع من مشاريعه السكنية مستحيل يتخلى عن كفاءتي
واذا على البيت نأجر اني مدخرة اموال من صاحبنا المجهول و راتب عدنا غير راتب الرعاية تدبر ماما وين جنا وين صرنا جنا حسرة اللكمه من بعد دكة ابوج النذل..
تغير وجه بنتي و عضيت شفتي..
: اسفة يبقى ابوج..
دنكت بنتي ووجهة تغير وحتى مودها طفت الديجي و طلعت كتبها تكلب بيهن
: ماما اذا تطلعين سدي الباب وراج عندي امتحان وفرصة عطلة خلي اركز بأمتحاني..