رواية خطايا واجتثاث الفصل الثاني 2 بقلم نور البصري – للقراءة المباشرة والتحميل pdf
السائق : هاااا خاله كولي هيج من الاول..
كوتله : شعجب متعرف الاسم القديم.. للمنطقة..
باوعلي بمرايه السيارة وضحك وهو حسيت بيه صفاقة وطيش.
وسعت عيني 17 يسوق تكسي توترت
: بس انت قاصر يعني منيلك اجازة سياقة..
: عادي ننطي غرامه اذا ننكمش..
بكلبي كلت المرور شنو شغله و قاصر يسوق خفت لا النوب نندعم واموت واني لسة مشفت بنتي
دخلنا شارع واشوف مدرسة البنات متغير اسمها متغير بس خمنتها مدرستي دخلت السيارة بشارع ثاني البيوت مختلفه..
غمضت عيوني نبضاتي تزيد دخلنا شارعنا و رغم الاماكن تغيرت بس احس هنا كل مكان كانت الي بي خطوة وضحكة و دمعه…
السائق : هذا الشارع الدلتني عليه صاحبتج…
حجاها بغرور مسوي انجاز
: ما اندعمتي وصلتج بأمان القاصر يسوق جاكي سياقة خالتي العزيزة..
ردت اكله تنجب وتاكل…. و تبن لتكول خاله لا تكبرني بس نبضاتي دزيد واني اباوع للبيوت باوعت كلها متغيرة خرائطها فضاع عليه بيتنا
: خوية اذكر بيتنا جان جهة الشمس منا على ايدك اليمنى بس ما اعرف يا بيت..
ظل محتار ومستغرب لان اكوله اخوية لعد شكوله غير مثل اخوي الصغير رجعت اشرحله..