رواية خطايا واجتثاث الفصل الثاني 2 بقلم نور البصري – للقراءة المباشرة والتحميل pdf
: هاااااا بس البيت مو تفلش؟ اذكر هيج
: اي ردينا و بنيناه جان زوجي عايش بس من مات كعدت يم حارث مرته السم شدت وياي عاد هاي من كم سنه البيت هم تعب فهديناه وردينا بنيناه هلبنيان…
اكول قبلت تستقبلني طلع لا اخوي و لا امي ساكنين وياها هم انعم الله عليها لو ما حنينة جا هم اجتثتني شو اني تعلمت على الاجتثاث ومن الجذور ابتسمت بهدوء..
«لولا خطايا ماضٍ ما كنا بحاضرنا إجتثاث»..
دخلت اباوع لبيتها حلو مرتب يعني اعتقد مساحته تقريبا ١٠٠ متر شوي اكبر لان باقي المساحة راحت لاخوي و امي..
حديقتها عبارة عن طارمه و بيها فد ثلاث امتار عرض و خمسة طول واكو ممر ترابي تحيطه سنادين ورد و مزروعات
و بالنص مسوية نافورة كولش كيوت وزغيرة كد حجم طشت غسل الملابس
بشكل دولفين دومها جانت مرتبة ونظيفة انيقة باوعت بامتنان الها
: شكرا لأن ما طردتيني شكرا لأن استقبلتيني لفترة
: لفترة شنو كافي تغرب وعيشي وياي شعندي لا رجال واكول تستحين وجودة بطرك هلولد و البنيه
: الله يخليهم الج خية تدرين مشتاقة لأمي
: مرة جبيرة كبرت و هم لا ترحين مراح تعرفج زهايمر خية و اخوج ما راح يستقبلج اصلا يمشي ويصيح ماتت…