رواية خدعة القدر الفصل السابع 7 بقلم ملك ابراهيم – للقراءة المباشرة والتحميل pdf
تحدثت والدتها بغضب:
– هو ايه اللي حرام يا بت!!.. هو انتي لا سمح الله هتخلفي من راجل تاني، انتي هتخلفي من جوزك بس لما يفك السحر اللي معمولك
تحدثت داليا برفض نهائي:
– لا يا أمي مش هروح وانا عملت اللي عليا وروحت كشفت والحمدلله معنديش سبب يمنع الخلفه، يبقى السبب الوحيد اللي مانع حملي لحد دلوقتي، هو ان ربنا لسه مش رايد وان شاءالله لما يريد مش هحتاج وسيط بيني وبين ربنا عشان يرضيني
زفرت والدتها بغضب قائلة:
– اكيد البت دعاء صحبتك دي هي اللي لعبة في دماغك
ثم اضافة بانفعال:
– ماشي يا داليا، بس متبقيش تيجي تعيطيلي تاني وتشتكي وتقوليلي بيعيروني عشان مبخلفش، ومتبقيش تيجي تعيطي بعد ما جوزك يسمع كلام امه ويتجوز عليكي
نظرت داليا إلى والدتها بحزن وبدأت الدموع تنسال من عينيها.
ذهبت والدتها بغضب واغلقت باب الشقة بعنف؛ جلست داليا على الأرض تبكي وتنظر إلى السماء وتشكي همها الي الله.
رواية خدعة القدر بقلمي ملك إبراهيم.
وصل عمر بسيارته امام الجامعة.
نظرت إليه مريم بابتسامة قائلة:
– شكراً يا عمر ومعلش صحيتك بدري
ابتسم بهدوء قائلاً:
– شكراً و معلش!! على فكرة انا جوزك واللي انا بعمله دلوقتي ده جزء من مسؤليتي إتجاهك