رواية خدعة القدر الفصل الرابع 4 بقلم ملك ابراهيم – للقراءة المباشرة والتحميل pdf

تأملته بعمق ثم تحدثت بفضول:

– أنت كنت فين؟!

تجاهلها واتجه إلى غرفته دون رد، ذهبت خلفه تتحدث بغضب:

– على فكرة أنا بكلمك والمفروض تقف ترد عليا

التفت إليها قائلاً بملل:

– هو انتي ليه مبتفصليش كلام!

نظرت إليه بقوة قائلة:

– انت اللي ازاي كده!.. واخد كل حاجة عادي وكأن محصلش اي حاجة، احنا اتفضحنا يا استاذ ولا انت مش واخد بالك

تنهد بضيق ثم تحدث ببساطه:

– ولا اتفضحنا ولا حاجة والموضوع انتهى خلاص

تفاجأت من بروده وعدم مبالاته لأي شئ.. نظرت إليه بغضب قائلة:

– دا بالنسبه لك انت، لكن انا لأ ، انا خسرت ماما وأختي

تابع سيره إلى غرفته قائلاً ببرود:

– والله دي مشكلتك انتي مش مشكلتي انا

تابعته بخطوات غاضبة إلى داخل الغرفة ثم صرخت به بصوت مرتفع:

– انت بقيت مشكلتي دلوقتي

غمض عينيه بِازعاج من صوت صراخها المرتفع قائلاً:

– خلاااااااص كفايه

نظرت إليه بغضب، تجاهل نظراتها الغاضبة وقام بخلع قميصه لتبديل ثيابه ، صرخت بصدمة والتفتت بجسدها إلى الجانب الأخر قائلة بزهول:

– أنت بتعمل إييه؟!

اقترب من خزنة ملابسه قائلاً ببساطة:

– هغير هدومي عشان خارج

التفتت إليه تتحدث بصدمة:

– خارج! يعني بعد كل ده وخارج عادي كده ولا كأن حاجه حصلت؟!