رواية خائنة لا تطلب الغفران الفصل العاشر 10 بقلم ماما سيمي – للقراءة المباشرة والتحميل pdf
إيمان : أوري حرام عليك خضتني أنت هنا من أمتى
أوري بلؤم : بقالي يجي ساعة كنتي فين
إيمان ناظره حولها بريبه : كنت برة خرجت أتمشى وأجيب شوية هدوم لازمه ليا عشان لو سافرت
أوري بتمعن : مالك بتبصي حواليكي ليه كدا
أشارت إيمان له بالخروج إلى الشرفة بصمت ، تبعها أوري دون أن ينطق حرف
إيمان بغيظ وصوت منخفض : كنت فين ٣ أيام معرفش عنك حاجة وسايبني ميته في جلدي من الخوف
أوري : لازم نقل اليومين دول من مقابلتنا عشان منلفتش لينا الأنظار وبعدين أنتي مطلعانا البلكونة ليه
إيمان : خايفه يكون فيه ميكرفونات مزروعة جوه في الشقة ويسمعونا واحنا بنتكلم
أوري بتفكير : عندك حق بس أنتي خرجتي ليه وأنا منبه عليكي متخرجيش
إيمان : بعتولي رسالة أني لازم أخرج أقابلهم فوراً وأنا خفت منزلش يشكوا في حاجة
أوري : كويس خليكي طبيعية معاهم لغاية ما نخرج من هنا في أقرب وقت
إيمان : هنسافر أسرائيل
أوري : أيوه بس مش مباشر هنطلع من هنا على دولة أوروبية وبعدين نطلع منها على أسرائيل
إيمان بحماس : أمتي يا أوري ياريت بسرعة لأني تعبت جداً وأنا قاعدة خايفه كدا طول الوقت