رجاء بخوف : دي كدا تبقى في خطر كبير يا عين أمها
حسين بحزن : فعلاً يا رجاء وربنا يستر وتيجي بالسلامة صلي وادعيلها يا رجاء وانا كمان هصلي وأدعي ليها أن ربنا يفرج كربها
رجاء : من غير ما تقول يا حسين دي بنتي ربنا يفرج كربها ويخرجها مما هى فيه على خير يااااارب
حسين بتضرع : يااااارب
إيمان بسعادة : شكرا ليك يا أوري الحمدلله بابا طمني عليه هو وماما وأخواتي
أوري : بيزنس إذ بيزنس عزيزتي عملتيلي خدمة خدتي مكانها خدمة
إيمان : خدمتك ليا كانت أكبر من خدمتي بكتير
موشى : لهاي الدرجة كنتي مفتقداهم
إيمان : جداً يا موشى كنت حاسه أني مفياش روح بس خلاص روحي ردت لما أطمنت عليهم
أوري : عيب المصريين أنهم عاطفيين زيادة عن اللزوم
إيمان : ده مش عيب يا أوري دي ميزة مش أحسن لما يكونوا زي الجليد من غير روح
موشى : نحنا ناس عمليين يا بسوم ما عندا وقت للعواطف والحب
إيمان : عارفة موشى أنا عاشرت أوري وهو خير دليل على كدا
أوري : قصدك ايه أني مبحسش
إيمان : لأ قصدي أنك عملي زيادة عن اللزوم
أوري : دي ميزة مش عيب
موشى : مو وقت الكلام ده هلأ أوري أنت بتعرف انا عنا ميعاد مع كوهين منشان الألمسات يلى بلى ما نتأخر عليه
أوري وهو ينظر بساعته : فعلاً عندك حق يلى بينا قبل كوهين ما يبعنا ويمشي