حسين : اللهم أمين
رجاء : بس عبدالله مش هيرجع مصر بقى هو وإيمان
حسين : اللوا عبدالقادر قالي هيرجع بس لما يتعالج عصابة المافيا اللي خطفته كانوا معذبينه ربنا ينتقم منهم وطبعاً أهمال في الأكل والشرب ولا أهتمام بصحته لما أدهورت فهما دخلوه مصحه يتعالج فيها الأول ، وإيمان هتفضل جنبه لما يقدر يقف على رجله هترجع بيه على طول
رجاء : ربنا يتم شفاه على خير ويفرح بنت قلبي بجوزها بس كان نفسي ألبسها فستان فرحها بإيدي
حسين : عارف يا رجاء وأنا كان نفسي اسلمها بأيديا لجوزها بس هنعمل أيه كويس قوي أنها لقيت اللي قلبها حبه ومش مهم فستان ولا فرح المهم أنها تبقى سعيدة معاه
رجاء : عندك حق يا حاج حسين ربنا يفرح قلبها كمان وكمان ، والحمدلله ربنا عوضها بعيلة محترمة وناس كُمل بصحيح
حسين : اللهم أمين ، فعلاً ناس محترمين ولاد أصول والعيبة متخرجش منهم .