رواية خائنة لا تطلب الغفران الفصل الرابع 4 بقلم ماما سيمي – للقراءة المباشرة والتحميل pdf
عبدالله حاملا إيمان: كنت بجبلك العروسه اللي طلبتيها أنا لفيت عليها كتير
إيمان وهي تحتضن والدها: أيه ده أنت جبتلي باربي بالبيت بتاعها ميرثيه قوي يا بابي بحبك قوي يا أحلي بابي في الدنيا كلها
عبدالله: وأنا كمان بموت فيكي يا ست البنات
فاقت إيمان علي أحدهم يفتح الباب وجدته الساعي بالطعام والشراب واستاذن منها مغادرا بعد أن وضع الصنية على الطاولة
في الغرفة المجاورة
طارق: لسه عندك شك في كلامها
مازن بحيره: البنت دي يا أما ذكية جدا ومدربه علي اللي هي بتقوله يا أما صادقه فعلا وفي الحالتين ضيعت نفسها بأنها حطت روحها في وش المدفع سواء هنا أو هناك
طارق: فعلا عندك حق لكن سيادة اللوا راح فين
مازن: راح يقابل والدها حسين الفيومي
طارق: وهو عرف منين أن بسمة هنا
مازن : سيادة اللوا هو اللي استدعاه بعد ما بعت واحد صحبه أمبارح ساكن في نيويورك راح يسأل علي بسمة لما تليفونها أتقفل من يوم ما قبضنا عليها فسيادته حب يجيبه يفهمه الموقف خاف يسافر امريكا ويعمل شوشره هناك وحد من الأخوة الأعداء يحس بحاجه
طارق متفهما: كدا أحسن بردوه بس صاحبه ده محسش بحاجة