رواية خائنة لا تطلب الغفران الفصل الرابع 4 بقلم ماما سيمي – للقراءة المباشرة والتحميل pdf
إيمان : وأنا مش ممكن أتأخر علي خدمة بلدي أمرني بأي حاجة وأن شاء الله هعملها لو حتى فيها موتي
عبدالقادر: هنشوف الموضوع ده بعدين أن كنتي قدها ولا لأ ممكن تكملي
إيمان: الباقي من قصتي تحصيل حاصل زي ما بيقولوا وحضرتك تعرفه
عبدالقادر: دا الباقي ده هو المهم ولازم اسمعه منك
إيمان وهى تأخذ نفساً طويلاً وتزفره ببطئ: حاضر يا فندم هكملك الباقي من قصتي
طرق الباب ودخل أحد الضباط يسر ببعض الكلمات في أذن عبدالقادر وقف عبدالقادر بعدها مغلقا ازرار سترته قائلاً لإيمان
عبدالقادر: في حاجه جدت تستدعي تدخلي هبعتلك فطار ونسكافية تخلصيهم لغاية ما أخلص مهمتي وارجعلك ماشي
إيمان: ماشي بس ياريت بلاش منوم
عبدالقادر بقهقه: لأ منوم أيه بقى أنا عايزك مصحصحه عايز اسمع بقية قصتك يا ست إيمان
غادر عبدالقادر تاركا إيمان تشرد في ذكرياتها مع عائلتها مجدداً تذكرت يوم عيد مولدها ضرب جرس الباب فجرت إيمان ناحيته لتري من
إيمان وهي تضع يدها علي قفل الباب: مين بره
عبدالله: يا تري ست البنات الأنسة إيمان عبدالله راغب موجوده
إيمان بضحكه طفوليه بريئة: أه هنا نقول ليها مين
عبدالله: أنا واحد بيحبها قوي خليها تفتح الباب بقي