رواية خائنة لا تطلب الغفران الفصل الثاني عشر 12 بقلم ماما سيمي – للقراءة المباشرة والتحميل pdf
موشى : خلينا في المهم دلوقتي جهزت الألماس لدانييل المرة دي دافع وبزيادة
أوري : متخفش أنا مجهزله حبة ألماس هيجننوه ومتنساش أن إسرائيل من أحسن الدول المتقدمة في صناعة ونحت الألماس
موشى : ماشى المهم هو جاي بكرة في طيارة الساعة خمسة مساءً
أوري : روحله أستقبله أنت أنا هيكون ورايا مهمة كبيرة تانية
موشى : مهمة أيه دي
أوري : جرالك أيه يا موشى يا حبيبي أنت ناسي أني هعرض بسمة على جهاز كشف الكذب بكرة ولا أنت مفكر أني صدقتها بسرعة كدا
موشى : عندك حق بس خلي بالك الموضوع لو وصل لقيادات الموساد هنروح في داهية أنت جايب بسمة هنا على أساس أنها يهودية كانت عايشة في أنجلترا وحبتك لما كانت بتزور أمريكا وقبلتك صدفة وأنت أقنعتها بالهجرة لإسرائيل عشان تتجوزك وتعيش معاك هنا وميعرفوش أننا مجندنها في السر وأننا خلينها سحبت فلوس من أرصدة رجال أعمال ومشاهير عالميين وحطتهم في حسابتنا
أوري وهو يلتفت حوله : بس هتخرب بيتنا أنت بتقول للميعرفش أعرف وبعدين أنا ليا هدف تاني كمان من مجي بسمة هنا
أوري بصوت منخفض : المخابرات المصرية مش هتسكت على هروبي ببسمة لهنا وأكيد هيبعتوا أكفئ ظباطها عشان يرجعها تاني
موشى : قصدك مين