رواية خائنة لا تطلب الغفران الفصل الثالث 3 بقلم ماما سيمي – للقراءة المباشرة والتحميل pdf
معتصم بسخرية: ههه شاطره قوي في التمثيل قدرت تأثر عليكم لكن أنا لأ
طارق: أنت أتغيرت قوي يا معتصم
معتصم بجمود: قصدك عقلت وبوزن كل حاجه بميزان عقلي
طارق: عقل أيه اللي يخليك تلغي صوت قلبك واحاسيسك مهما العقل سيطر بيجي ساعة الواحد ميقدرش يقاوم وأحساسه بيغلب عليه وأنا احساسي بيقولي أنها بريئة
معتصم : وأنا أحساسي بيقولي أنها كدابة
خرج حسين من باب قصره الخلفي وجد سياره سوداء تنتظره اقترب منها فخرج سائقها منها سائلا حسين عن هويته
السائق: حضرتك حسين باشا الفيومي
حسين: ايوه أنا وحضرتك مين
السائق: معاك مقدم ياسين الأنصاري
حسين: ممكن أعرف رايحين فين
ياسين: حضرتك هتعرف اول لما نوصل تفضل عشان منتأخرش علي سيادة اللواء
حسين: لواء مين
ياسين: هتعرف لما توصل مش مسمحولي اقول لحضرتك اي معلومات
حسين ويهز رأسه بتفهم : ماشي يلا بينا
ركب حسين السيارة بعد أن فتح له ياسين بابها الخلفي وأغلقه بعد ركوبه ثم ركب امام عجلة القياده وتحرك بها سريعا من أمام القصر
في المبني المحتجزه به إيمان
وضعت الكوب من يدها علي سطح الطاولة بعد أن تجرعت منه بعض قطرات فقط تحت أصرار عبدالقادر فهي غير قادره علي ابتلاع أي شيء وهي بهذه الحالة