رواية خائنة لا تطلب الغفران الفصل الثاني 2 بقلم ماما سيمي – للقراءة المباشرة والتحميل pdf
معتصم منتفضا : لأ يا فندم أنا إللي هكمل التحقيق معها
عبدالقادر: لأ يا معتصم طول ما أنت كدا مش هتقدر تاخد منها أي معلومات من فضلك سبني انا اكمل وأقعد أنت تابعنا من هنا
معتصم: بس يا فندم
عبدالقادر: ما بسش اسمع كلامي
معتصم جالساً مرة أخرى: حاضر يا فندم تحت أمرك
في منزل بحي راقي من أحياء القاهرة تجلس مروة تتصفح بعض المجلات التي تنشر احدث تفاصيل الموضة جاء إيهاب من غرفة نومهم يجلس بجوارها
مروة ناظرة إليه: نعيما يا حبيبي
إيهاب محاوطاً كتف مروة بأحدي يديه: الله ينعم عليكي يا روح قلبي
مروة: وهي تضع رأسها علي كتفه: ربنا يخليك ليا يا حبيبي
إيهاب: تسلميلي يا قمر قوليلي بقي كلمتي عمي حسين في موضوع بسمة وعمرو
مروة بتردد: اااا أه كلمته بس هو مش هيقدر ياخد قرار غير لما بسمة ترجع من أمريكا
إيهاب مستفسرا: مش المفروض انها تكون رجعت السنة الدراسية خلصت هناك وحتي خلصت هنا من شهرين قاعده ليه
مروة :معرفش بابا لما سألها من فترة قالتله أنها هتقعد شوية تتفسح قبل ما تنزل ودلوقتي بابا بقاله يومين بيرن عليها وتليفونها مغلق وقلقان عليها
إيهاب: تليفونيا مغلق يومين دي حاجه تقلق فعلا وبعدين