جلس علوان مع بدران ليهتف… ولدك واعر يا بدران ما هيهمدش الا اما نلبس مصيبه خابر الدور علي ولدك يا بدران.
ليهتف بدران… خابر يابن ابوي خابر وماعرفش ليه هو ماحاسيسش بالمصيبه انه في وش الجفص.. اجول ايه..
ليهتف علوان.. احنا هنجيب اكبار العيلات يا حاج وهجيب الحاج مهدي كبير البلد واكبر واحد وكلمته مسموعه وهنجعد معاه ويجي ولدنا ماهيونطجش بس ماتجولش ليه عشان ما يرمحش ويطفش جبل الجاعده فاهم يا بدران..
ليتنهد بدران…. والله ماعارف عيل كيف النار ما هيبردش ناره واصل اجول ايه الله يستر.
********
في احد الشقق الفخمه في مدينه الاسكندريه نجد هناك سيده تجلس غاضبه وبجانبها زوجها لتصرخ فيه…. انت هتفضل ساكت كده لما يجو يموتو الواد.
ليهتف… يا مني اعمل ايه طيب طلبت الكفن و الديه وماحدش رد عليا.
لتصرخ… اتصرف انا ابني ما حدش يلمسه انت تشفلك صرفه يا سالم والله اخده واطفش بيه.
ليهتف…. طب اعمل ايه الكفن ما. مكفيهم دا عايزين رجبه الواد
لتهتف.. خلاص يبقي الكفن ونحط عليه النسب.
ليبهت…. نسب ايه يا وليه اتخبلتي الواد ابنك اصغير هجوزه عنده تسعتاشر سنه ماهيرضوش بيه ولا يرضو يدو بناتهم لحد واصل عيله الرفاعيه مابيدوش بناتهم لحد بيعتبروها عيبه هناخدهم ازاي..