ليتنهد بغلب فهو يحترق عليها لتهمس.. عموما انا مش هعمل كده تاني عشان عوايدك. عارفه انك زعلان عشان العوايد مش غيره ولا حاجه انت ماينفعش تغير عليا انا فاهمه.
ليهتف.. وماينفعش ليه مابحسش عاد.
لتهتف.. لا يا ليل انت قلت انك مابتغيرش. وانا فاهمه عشان انت مابتحبنيش انت قلت
ليهتف.. اني جولت مابحبكيش فين ده.
لتهتف… مش مهم تقول يا ليل انا بحس انا صحيح طيبه وغلبانه بس بحس. لتضع يدها علي قلبه.. انت هنا صعب. هنا مش جواه حوريه ولا هيبقي جواه انا فاهمه. لتتنهد بوجع مش معني اني بقيت مراتك تحبني.انت مجبور عالتار يا ليل وموجوع وانا حاسه بيك فيه جواك صراع حاساه. انت مش زي جاسر يا ليل. جاسر قلبه دق للؤلؤ وعايز يبقالها حبيب. وانا شايفه ومبسوطه بيها. انما انت ده مادقش ولا هيدق ليا وانا مش زعلانه عارف ليه لاني طول عمري لوحدي وهفضل لوحدي. الوحده مريحه مابتوجعش فما تزعلش من كلام مرات عمك علينا انا فاهمه والله ان عمرك ماهتحبني وتكرهني. بس انا غلبانه بطل تكرهني والله مابعمل حاجه وحشه لحد وهيجي يوم وتتخلص مني لتضع يدها علي قلبه ليحس انه سينجر.. افرح يا ليل حوريه مش هتبقي ليك ولا عمرها وهيجي يوم وهبعد وتتهني انت. عمرك ماهتتغصب عليا وبدعيلك يفرحك باللي تهواها وتتهني معاها. انا قلبي بيوجعني اني سبب في وجع قلبك بس انا ماليش ذنب. لتبتسم وتنلس علي قلبه.. صدقني هيجي يوم وده يدق ويحب ويفرح وساعتها هتقول حوريه قالت. ماتخافش مني انا اغلب من الغلب والله ويوم ما هتقرر تبعدني وتخلص القصه مش هعملك مشكله لا والله هتمنالك الخير كله حتي لو بيا ايه. انا بحب الناس تفرح حتي لو انا مش هفرح انا بفرح بفرح الناس. انا ربني خلقني كده ومش زعلانه. انا عارفه اني مانفعكش ولا رايدني وواعيه.. وعندك حق لما قولت البس دي. بس غصب عني يا ليل انا شفت كتير بس صدقني عمر حوريه ما هتأذي ليل. انا اتأذي بس عمري ماهاذيك. لتنزل دمعه من عينها . لتتنهد وتنكمش وتستدير وتنام بغلب شديد وحيده موجوعه.