اما جاسر ولؤلؤ فقد توطدت العلاقه بينهم بادعاءه الصداقه ولكنه كان يتغلغل بداخلها ويعطيها الامان والسند لتركن اليه وتحس انه يستحق قربها لتمر ايامهم بهدوء وتهدا لؤلؤ ولا تتشاجر مع ليل من اجله ليهدا البيت يوما بعد يوم ولكن هناك من بالبيت الذي لا يريده الا ان يكون نارا عليهم.
لياتي يوم لتدخل لؤلؤ علي حوريه وتقبلها لتهتف.. اتعشيتي يا مزتي.
لتهتف حوريه.. لا مستنيه ليل.
لتخبطها لؤلؤ… مالك بقيتي نحنوحه كده مع زفت الطين.
لتقول حوريه.. بطلي.. بقاله اسابيع طيب وحنين وبطل يزعق فيا.
لتهتف لؤلؤ.. من امتي دا واحد جاحد ومالوش امان. خافي علي نفسك يا حوريه مش كل اما انام والا اخرج مع جاسر ارجع الاقيه عامل فيكي مصيبه.
لتقول حوريه.. لا هو مش بيعمل دي مرات عمه الشريره وهو بدا يدافع عني كتير وبيقفلها ويبعدني عنها.
لتهتف لؤلؤ… انت واحده معاقه وطول عمرك بتصدقي الناس انا غلطت لما قفلت عليكي من خوفي بقيتي تتصرفي زي العيال الصغيره بس كان غصب عني كنت أخاف اخرج ارجع الاقي حد عامل فيكي حاجه.
لتحتضنها حوريه.. انا اللي اتربيت غلطت وبقيت مختلفه عنكو وعارفه اني مختلفه ممكن اكون عبيطه او مش بفهم زي الناس بس ليل بيحاول معايا عشان ابقي زيكو بيساعدني كتير ويتكلم معايا كتير وياخدني في حضنه ويعاملني بالراحه.