ليشدها يحتضنها.. خلاص اهمدي بلا تنزلي بلا تطلعي خلاص اني كت كت مابحبش الواد ده
لتهتف.. ماله عمل ايه وجاي تقلي حاجات وحشه وتزعق بقالنا اسابيع حلوين بس انت لازم تعمل وحش وانا خلاص مخصماك.
ليحتضنها…. خلاص اصالحك.
لتدفعه…. لا مش هتصالح انا مش هبله كل شويه اتصالح اتصالح لا خلاص ماعاتش صلح لتندفع للخارج وتنزل للاسف.
ليقف ليل محصورا.. طب راحه فين ماهعرفش اتنيل انام ماكت تمسك لسانك يا زفت عادي انت بس اللي بتنحرج وغيرتك هرت جلبك. اهي اتغفلجت انزل دادي بقه لما روحك تطلع لينزل مسرعا.
لتقابله زوجه عمه….. كفالله الشر مالك نازل علي ملي وشك ورا السنيوره سحرتلك. نازل تدادي وتطبطب خيبه عالرجله يا سبع الليل.
لينفعل.. ماتبطلي بقه انت ايه ما بتعرفيش تعدي يوم من غير حرج. خلاص بقه خلصنا بطلي.
لتهتف… ابطل… اعدي. لاه داني عايزه الطم واصوت الا ليل الرفاعي بجاله اسابيع بيحايل ويجلع لما البت ركبت ودلدلت. وواجفلي ماجربش منيها. اصل الهانم طاحت. ركبت بنت العتمانيه علينا يا سبع الرفاعيه البت ماشيه تتغندر وراحه جايه عارفه ان البيه بقي دلدول وماشي وراها.
ليصرخ…. اني دلدول اني ماشي وراها عايزه ايه عايزاني اعمل ايه بتجهريني ليه عشان ترتاحي. ماتسيبيني بقه خلصنا وجفلنا الجصه الغابره دي.