لتخبطها لؤلؤ.. حضنك قطر.. مين ده اللي بياخدك في حضنه.. انت يا بت انت مالك واقعه كده ابعدي عنه وخلي بالك من قلبك.
لتتنهد حوريه…. ماعرفش ساعات بحس اني مبسوطه معاه وبدات ابطل اخاف منه من حنيته.
لتهتف لؤلؤ….. مين اللي حنين ليل.
لتتنهد حوريه.. اه يا لؤلؤ. ليل جواه حنيه الدنيا بس اتربي صعب. انا حاسه اني بقيت جواه وانه بقي بيلين عشاني وعايز يراضيني بس هو اتربي بطريقه توجع. انا وهوا تحسينا اتوجعنا ولما نتلاقى كل واحد دوا للتاني. هو قاسي وجامد وقوي ده هيعلمني ويكبرني صح ويعرفني الدنيا. وانا طيبه وهبله وبسامح وده هيلين قلبه. ليل حنين وانا لامساه من جوا.
لتتنهد لؤلؤ…. مش عارفه اقلك ايه… بس بجد انا مابحبوش ولا بطيقه وبحس ساعات عايزه اموته.. نفسي اخدك كده وابتدي اديكي كورسات ازاي تعاملي البشر. بحس بذنب رهيب اني عملت فيكي كده وخليتك منطويه وهو بيسيطر عليكي. خايفه من اللي جاي قوي انا ماتعودتش ماسيطرش علي حياتنا خايفه ننوجع.
لتتنهد حوريه.. انت جاسر بيحبك قوي هيوجعك ليه.
لتتنهد لؤلؤ… عشان انا اتعودت ابقي ضهر نفسي اخاف أركن علي ضهر تاني يجي يوم ويقطمني. يا حوريه انت مش عارفه انا حاربت عشانا سنين ومريت بحاجات انت مش هتفهميها ولا كت بنطق. شخصيتي بقت صعبه قوي. كان لازم اعملك صحبتي واعرفك كل حاجه وافهمك. انما انا قويت وبقيت طايحه لوحدي كل اما اقوي اخاف عليكي واسيطر عليكي اكتر. لحد مانا بقيت جبروت وانت أضعف خلق الله. انا اجرمت في حقك بس من خوفي عليكي. لتسيل دموعها لتحتضنها حوريه… بطلي انت كنتي بتحافظي عليا انت مفيش زيك. لتظل في احضانها