لتتنهد حوريه… لحد امتي ما اكيد هتتجوزي هفضل راكبه علي نفسك.
لتهتف لؤلؤ… وانت كمان هتتجوزي والله ربك عاين لينا الخير دا يقيني.
لتهتف حوريه… انا عمري ماهتجوز اتجوز واحد يتجبر عليا وانا مابعرفش انطق يجيلي واحد يخرسني ويقهرني وانا غلبانه وماليش خرباش انا لو اتجوزت اموت.
لتهتف لؤلؤ… لا يا حوريتي انت ماينفعش تعيشي لوحدك لازم تحبي وتنحبي وتعيشي وانا متاكده ان ربنا هيبعتلك احن واحد في الدنيا.انت مفيش منك كفايه طيبتك وقلبك المليان مسامحه انا عمري ماشفت واحده مابتزعلش من حد ولا بتاخد علي خاطرها اللي هيحبك هيحبك لقلبك الدهب.
لتهتف حوريه…. مفيش يا لؤلؤ مفيش حد حنين اسكتي سيبي السيره دي بدل مايجيلي بانيك انا مش ناقصه..
لتقترب منها لؤلؤ وتداعبها ويظلا يضحكان.
*******
عند سليم سافر الي بلده ليدخل علي والده ليهتف…. ازيك يا حاج عبدالرحمن..
ليهتف…. ابوه كيفك يا ولدي شالله تكون بخير وعيالك بخير.
ليهتف…. بخير يا ابوي عملت ايه في موضوع التار.
ليهتف… اهو بنتكلم يا ولدي بس ابنهم ليل مجوم الدنيا حريجه الله يحرجه.
ليهتف… طب يا حاج اني عندي فكره احنا نديهم النسب يا حاج ونحيل عليهم كبرات البلد.
ليهتف.. نسب نسب ايه يا واد الرفاعيه مابيدوش بناتهم لحد شايفينها عيبه.