لتتنهد حوريه.. مالها طيب لسه زعلانه منها.
لتصرخ لؤلؤ.. انت معاقه واحده خانتك وطلعت عليكي كلام وحش وهانتك قدام الخلق وسكتيلها زي المتخلفين لا واللي يشل اول ما جت قدامك طبطبت عليكي سامحتيها وعايزاها تيجي وتقعد. تقعد فين دانا لو شفتها هشقها نصين من غيظي بنت الجزمه.
لتتنهد حوريه فهيا طيبه بزياده. يا لؤلؤ ماهي قالت معلش خلاص اعمل ايه يعني.
لتهتف لؤلؤ.. تعملي.. العمليه شالتها تبهدليها وتقطعي علاقتك بيها.
لتتنهد حوريه.. مابعرفش يا لؤلؤ مانت عارفه مابعرفش غير اني اسامح. اول ما حد يقلي معلش بيصعب عليا وقلبي يوجعني. ماتحملش ازعل من حد.
لتتنهد لؤلؤ.. عارفه يا غلبانه السنين.. يا رب اعمل ايه واحده هبله وبتسامح علي روحها وواحده بتعض في خلق الله.. يلا يلا بقه عشان ناكل..
لتسهم حوريه… هو احنا ليه مابنسالش علي قرايبنا الصعايده
لتبهت لؤلؤ.. نعم ياختي ايه اللي جاب السيره دي مابوكي رامينا هنسال علي مين.
لتهتف… لا مش لينا جد وجده واعمام ليه ما بنعرفهمش.
لتقطب لؤلؤ… عشان مقاطعين ابوكي مثلا ورافض وجودنا.
لتهتف حوريه.. نفسي يبقي ليا عيله وعزوه.. نفسي يبقي ليا حد يحميني ويدافع عني.
لتهتف لؤلؤ… وانا ايه دانا ادافع عنك واخد نن عين اللي يقربلك يا قلبي.