لتسمع فتاه من الخلف.. مالها بلدنا يا ست ساره زي الفل وفيها اسياد الناس.
لتقف ساره… ايه اللي جابك اهنه يا ست صابحه هاه.
لتهتف صابحه… اني اهنه اخش علي كيف كيفي هبقي مرت الكبير النهارده سي ليل الرفاعي.
لتنظر حوريه الي لؤلؤ…. يا لهوي مش ليله ده اللي متجوزني هو مابيعتش ليه وحش كده اخص عليه.
لتهتف صابحه… لاه ياختي جوازتكو جوازه غم وفضيحه احنا رجالتنا هيتجوزو رفاعيه اني وسعديه بت عمي وانتو هتبجو اهنه خدم..
لتهب لؤلؤ…. خدم في عينك يا جربوعه.
لتهتف صابحه… اخرسي جطع لسانك انا هنا هبقي ست ستكو وهبقي ست الدار.
لتهتف لؤلو… طز انت ودارك والمحروق اللي هتتجوزيه ويلا غوري من هنا بدل ماتغابي عليكي.
لتهتف صابحه…. اتعدلي َانت بتكلمي ستك يا بت انت مرت ليل و َالا جاسر.
لتهتف…. لا يا ختي احنا مش مرتات حد لا زفت ولا قطران واخرجي عشان والله هجيبك من شعرك.
لتهتف صابحه… طب جربي اكده وانا احطك تحت جزمتي.
لتهب لؤلو… طب انت نولتيها وطلبتيها وهجمت عليها بعنفوان لتقفز عليها َتطرحها ارضا وساره تصرخ وحوريه انكمشت في احد جوانب الحجره رعبا ولؤلو مهتاجه وصابحه تصرخ ولؤلو تشد في شعرها وتضربها بعنف وتعالت الصيحات.
لتحس بنفسها مرفوعه فجاسر قد سمع الصوت هو وليل وهب ليري ماذا يجري ليجدها تنام علي ابنه عمه ليحملها ويبعدها عنها.