ليندفع جاسر… ولاااا لم لسانك عن مرتي بلا مافلجك نصين.
ليصرخ ليل.. انت فاجر ليه اكده.
ليصرخ زكريا.. عشان بحبها وانت بتكرهها.
هنا لم يحتمل ليل كلامه عن حوريه ليهجم عليه.. اني هجتلك تحب مين يا فاجر اني هجتلك ولا اسيبلكش مرتي يا واطي.
ليبعدهم محمود وجاسر
لتصرخ فتحيه… انت اتجنيت عايزها ليه مش هتتجوز وتنبسط ماتسيبو بناتنا في حالهم.
هنا نزلت لؤلؤ وحوريه تكلبش فيها من الخلف برعب.
لتهتف بقوه….. يسيبونا في حالنا ماكنا متسابين يا تيته ايه اللي جد.
ليبهت الكل وينظر الي الفتاتان لتنزل هيا برويه وحوريه مكلبشه فيها كالطفله الصغيره ليسمعوها تكمل…. جايه ليه تاخدينا امال بعتونا ليه يا تيته. عملنالكو ايه… واقفه تتخانقي معاهم ليه قوليلي نفسي اعرف عملتو فينا كده ليه. كانت مقهوره وتتحدث بقوه وحوريه تمسك بها كالطفل الصغير ودموعها تنهمر وليل نظراته مسلطه عليها وقلبه يرجف بقوه .
لتكمل…. قولي يا جدي بعتونا ليه زي ما ابونا بعنا زمان عملنا ايه في دنيتنا عشان تجيبونا لدول يذلونا.. هما ناس مايعرفوش ربنا وانتو زيهم يا جدي. بتصرخي يا تيته وزعلانه ليه ماتسيبينا نكمل قهر ماعيشتنا قهر. انتو وابنكو زي بعض. سنين يقهر امي
ويضربها ويهينها ويضرب اختي الغلبانه اللي ماتنفعش تعيش وسط دنيا فيها كلاب صعرانه. ابنك يا حاجه زيك وانت زيه. باع امي بالرخيص ورماها تشتغل خياطه تصرف علينا من غير مليم منه. عملنا ايه طب كرهها يصرف علي بناته. ماسالتوش عن بناتكو ليه يا حاجه ماسالتش ليه يا جدي ياللي بعتنا لدول عشان تنقذ ابن ابنك ماحنا مش ولادكو. احنا اترمينا امي تعبت وماتت عيانه واختي تترجا الجاحد يدفعلنا مصاريف علاجها يضربها ويرميها. تعيشو اختي يا ظلمه لما تبقي خايفه وعايشه خايفه وتنزوي ماتقربش من حد. اختي بقت طفله مابتعرفش تتعامل مع حد ياللي ماهتشوفو رحمه ربنا. طب ايه انتو ليه ظلمه ايه كل هامك ابن ابنك والتار طب واحنا مافكرتش بناكل منين. عيله عندها ستاشر سنه تنزل الشارع تصرف عليها وعلي اختها الغلبانه اللي عملتوها غلبانه يا ظلمه. امشي في الشوارع ابيع شربات واحزمه وده يلمس وده يحسس عشان ارجع بلقمه لاختي وليا.. اتطرد من هنا وهنا عشان ماحدش يلمسني وافضل شريفه انا لحد دلوقتي مش عارفه مابعتش شرفي ازاي بجد حافظتلكو علي شرفكو والكلاب في الشارع بتنهش في لحمي. انا لؤلؤ اللي بقلك اهه انتو عيشتونا ايام سوده عيله ستاشر سنه مسئوله من اختها بقيت انا الكبيره شيخت قبل اواني قولولي ذنبي ايه ماعيش زي البنات ذنبي ايه اني انزل في الشوارع في عز البرد ابيع اي حاجه. عارفه يعني ايه انا شيلت زباله عشان اكل واكل اختي دنا جه عليا ايام كنت بمثل اني كلت برا عشان اختي تاكل ليه عملنا ايه.