رواية حكاية وتين الفهد الفصل الرابع 4 بقلم جني الالفي
حكاية وتين الفهد ( ٤) 
– وتين راحت علي مكتبها وكملت شغلها وهي سعيده وكل ما تفتكر نظرات فهد لها تتوه فيه استغفرة ربها وانتبهت لشغلهاوخلص اليوم وروحت وتين البيت
وتين : يا اهل الدار يا قوم جعل الله داركم الجنه اين انتم
رقيه : نورتي يا وتينتي
وتين : اه يا روكا وحشتيني وحشتيني انتي بتعملي ايه
رقية : بعمل الاكل تعالي ساعديني واحكيلي عملتي ايه اليوم شكلك عندك حكاوي كتير تعلي احكيلي ها بلغتي فهد بالمعاد ورده ايه ومالك فرحانه كدا فيه حاجه حصلت قولي بقي اخلصي
وتين : هههههههههههه
إيه كل الاسأله دي ياروكا علي مهلك عليا شويه اه يا ستي بلغته وفرح جداً و ورقية : و ايه متنطقي يابت قلقتيني اوعي يكون عمل معاكي حاجه كدا ولا كدا وغمزة لها بعنيها
ههههههههههههوتين : لا يا ست الكل عيب عليكي انا تربيتك اعمل حاجه تغضب ربنا
رقية : تمام ياقلبي نتغدا واخدك ننزل المول نجيب طقم حلو كدا يظهر جمالك
وتين : لسه مصممه يا ماما
رقية: طبعاً يا قلب ماما هنجيب طقم بمستلزماته كمان
وتين : ماما هو حازم فين
رقية : لسه مجاش
وتين : هو لسه زعلان
رقية : سيبك منه عامل ذي الاطفال بكره يعقل ويفهم ان دي سنة الحياه وبكره هو كمان يحب ويتحوز
وتين : اممم ويخلالك الجو يا جميل مع حبيب القلب عمدة قلبك
رقية : عيب يا بنت انا بس اللي اقوله عمدتي هههههههههههه
عماد : متضحكوني معاكم خير بتضحكو علي إيه
رقية : علي وتين قالت لفهد علي الميعاد وهو مصدق
عماد : ربنا يتمم علي خير
وتين سبتهم ودخلت غرفتها
عماد : فين حازم
رقية : لسه مجاش أنا مش عرفه ماله
عماد : ماله
رقية : من ساعة ما عرف بخطوبت وتين وحاله اتشقلب خالص
عماد : تلاقيه زعلان علشان هتسيبه وتتجوز زي شهد اخته
رقية : مش عرفة بس قلبي مقبوض قوي
عماد : يا شيخة سبيها علي الله المهم وتين تكون سعيده ربنا يفرح قلبها ويجعله خير ليها
رقية : يارب ياعماد قلبي قلقني عليها قوي ومش عرفه في إيه كل ما أشوف فرحتها قلبي يتقبض مع اني والله فرحنلها عماد انتي سألت علي فهد دا كويس يعني
عماد: متقلقيش يا ام العروسه سألت عليه كتير وخليت طارق ابن محمد صحبي يسأل عنه كويس هو ظابط زي مانتي عرفه وهو طمني انه معندوش اي مشاكل
رقية : يارب يجعله خير ليها ويبعد عنها اي شر ويفرح قلبك يا وتين يا بنتي
عماد : هههههههههههه ايه الدعاوي دي كلها ربنا يجعلها من نصيبها المهم جهزتي الاكل انا جعان موت
رقية : الاكل جاهز علي متغسل ايدك وتغير هدومك هحضر السفره
رقية حضرة السفرة وندت وتين وعماد وخلصوا الغدا
نزلت رقية ووتين واشتروا طقم جميل جداً بكل مستلزماته
،،،،،،،. ،،،،،،،،. ،،،،،،،.
وعدت الايام وجه يوم الجمعه المنتظر
رقيه : يلا ياوتين الناس زمنهم جيين البسي يابنتي
وتين : ماما هو عمو وحازم جهزوا
رقية : من بدري يلا خلصي بقي وانا هشوف الضيافة علي ما تلبسي يا قلبي
رقية خرجت وسابت وتين تجهز وهي جهزت العصير والحلويات للضيافه
وراحت تممت علي عماد انه جهز ودخلت عند حازم اللي كان قاعد في حجرته وملبسش
رقيه : في ايه ياحازم ملبستش ليه الناس علي وصول يا حبيبي يلا
حازم : انا مش عارف انتو مستعجلين علي جوزها ليه لسه بدري استنو لما اخلص الجامعه السنادي اخر سنه
رقية: بدري من عمرك يا حبيبي البنت موفقه وفهد كويس وابن حلال ليه التأخير وليه نستنا سنه يعني
حازم : لما اكون خلصت جامعتي واشتغل
رقيه : ومال وتين بجامعتك وشغلك بس
حازم بتوتر : ع علشان بتسعدني وكدا في المذكره وبعدين لما هشتغل هلاقي حاجه تشغلني
رقية شافت توتر حازم وانه عرقان خالص : حازم في ايه مالك يابني انتي تعبان
حازم : هه لأ مفيش بس متضيق علشان وتين هتسبني زي شهد ومعتش هشوفها كل يوم
رقية: ادعلها يا حبيبي ربنا يسعدها ويريح قلبها دي شافت كتير عاشت يتيمة في اكتر وقت محاجه فيه حنان امها وامان ابوها
حازم : انتي وبابا عوضتوها عن كل دا
رقية: مفيش حاجة تعوض الام والاب اي بنت في يوم زي دا بتكون محتاجه امها تخدها في حضنها وتحسسها بالفرحه ادعلها يابني وانا هروح اشوفها خلصت ولا لسه وانت قوم اجهز كدا دا فرحة اختك التانيه النهارده
يتبع،،،،،،
فصول الرواية: 1 2