صرخ هو بها وقد انسابت دموعه على وجنتيه بحرقة ووجع لامور ليس له شان بها، ما شانه هو بواىدته واخوته وبالمبراث ان كان هو عاشق لتلك المعتوهة امامه، لما تجمعه معهم اذا ليصرخ بوجع:
_انا يا شهد!! انا بلعب بيكِ انا؟ دة انا محبتش حد فى حياتى ادك، دة انا معشقتش حد ادك، عمرى كله وانا بحبك من قبل ما اعرف معنى فلوس ولا اى حاجة كنتِ انتِ ماضيا وحاضرى، تقوليلى فلوس؟
فلوس ايه ياشهد اللى هجرى وراها وانا عمرى ما اهتميت بمناصب ولاجاه ولا مال قوم نهار ما اهتم اهتم على حسابك انتِ؟ انا ياشهد؟ دة انا عشقتك بجنون، ربنا اللى يعلم كام مرة نمت ودموعى على خدى بسببك، كام مرة اتوجعت واتقهرت وانتِ السبب فى دة، وبعد دة كله تقوليلى فلوس؟
ثم صرخ بجنون ودموعها تشق وجنتيه اكثر واكثر :
_فلوس ايه ياشهد اللى هدور عليها للدرجادى شايفانى حقير ومادى؟ للدرجادى معرفتنيش؟ دة انا عشقتك، ربنا اللى يعلم انى عشقتك بكل ذرة نفس فيا، عشقتك لدرجة انى عشقت حتى عيوبك وما اهتمتش بيها وكنت مش عاوز غير وجودك جنبى
ثم صرخ بها بغضب وقد ارتفعت نبرته وزاد هطول دموعه صارخا:
_وبعد كل دة تقولى فلوس!! ظلمتينى سنين وفى الاخر تقولى فلوس!! جيتك واترجيتك وفضلت اتحايل علشان اعرف ايه اللى حصل علشان تقلبى عليا كدة وانتى ترفضى تقابلينى او تكلمينى وتصدينى وتقوليلى دور فى دفاترك وبعدين تقولى عيلتك السبب وانا هتجن واعرف وفى الآخر اعرف ان الهبل دة هو السبب؟