نظر لها بصدمة ليصرخ بها بجنون:
_انا يا شهد؟ انا سيبتك!! مش انتِ اللى اتخانقتى معايا وصرختى وقولتى اوعى اشوف وشك تانى؟ مش انتِ اللى قولتيلى انى لو آخر راجل فى الدنيا عمرك ما هتحبيه او تبقى عاوزة تبصى فى وشه؟
صرخت به بغضب:
_وتقوم تعمل زى ما انا عاوزة؟
هتف بها بغضب وقد انتفضت العروق فى عنقه هاتفا بجنون:
_امال عاوزانى اعمل ايه؟ انتِ هتجننينى؟
صرخت به بغضب وقد زرفت عيناها الدموع المتمسكة بها:
_تتمسك بيا، تحسسنى انك عاوزنى، اقول ابعد تقول مش هبعد انا متمسك بيكِ حتى لو على حساب كرامتى
نظر لها بذهول ليمسح على وجهه بضيق قائلا:
_وادينا جينا للبنات وهرمونات البنات
ثم هدر بها بوجع:
_يابنت الناس انا مش فضلت اتحايل عليكى شهر واكتر وسوقت عليكى طوب الارض وانتِ رافضة، عاوزة منى ايه تانى؟
ثم صرخ بها بألم وقد التمعت عيناه بدموع القهر والالم:
_عاوزة منى ايه تانى وانا بتحايل عليكى وانتِ مش عاجبك لحد ما اهانتى كرامتى وكبريائى وجبتيهم ارضا؟ عاوزة منى ايه تانى وانتِ بتحاكمينى على حاجة ماليش ذنب فيها؟
صرخت به ب انهيار وقد فقدت آخر ذرة تماسك لها لتصرخ ببكاء ودموع:
وانتَ عاوزنى اعمل ايه او اقول ايه وانا سامعة بودانى والدتك المصونة ومرات عمى المحترمة وهى بتقرر وتخطط وتقول لاخوك انه يتجوز ميسون وانتَ شهد علشان الورث، وتكونو حطيتو ايدكم على ورث ابويا الثلث منه فى ايديكم، وبالنسبة لنرمين هانم ف دى تلعب على آدم وتخليه يحبها و آدم قريب من جدى وبيحبه وهيكون كبير العيلة وبالتالى هتكون كل حاجة تحت ايده يبقى كدة هى ملكت العيلة باللى فيها وان مكانتش مسكت عيالها العيلة فهى برده مسكتها من جنب تانى لكن ان مانجحتش مع آدم لازم تخلى سليم معاها على الخط متخليهوش يفقد الامل لانه بيحبها، نجحت فى انها تتجوز آدم كان بها ما نجحتش يبقى سليم موجود، هاا عاوزنى اعمل ايه وانا حاسة اننا لعبة فى ايديكو بتلعبو بيها زى ما انتو عاوزين؟ عاوزنى اعمل ايه وانا بحس انك كنت بتخدعنى وانك عمرك ماحبتنى وانى كنت لعبة فى ايدك بس علشان الميراث وانى مش اكتر من وسيلة ياماجد؟ عاوزنى اعمل ايه هاا وانا بحس انى بدون كرامة؟ مجرد لعبة لا ليها لازمة ولا مكانة مش اكثر من فلوس وبس