ثم ضربت على فخذيها صارخة بغضب
_أعمل إيه بس، مفيش حد فيكم رافع راسى وبيسمع الكلام، كله ماشى بدماغه واخر المتمة هتحطو رقبتنا تحت جزمة عزت وابنه، حاتم واستعجل وطلع من الليلة دى حرامى، وابوكى وعامل نفسه الرجل الوفى لعمك وبيساعده بجداره، وميجرؤش انه يتكلم وكأنه صاحب المال مش بتاعنا كلنا وكل اما اكلمه يقولى اطلعى منها اخويا هو إللى بيدير لانه هو اللى بيفهم فى شغل الطب إطلعى انتى منها هو احنا الاتنين ماسكين الادارة وبندير المستشفى احنا اخوات مش اعداء، اما ماجد
ثم زمت فمها بضيق تحركه يمينا ويسارا قائلة بنبرة يائسة
_ما شاء الله عليه متابع طريق ابوكى، عامل آدم الكل فى الكل وهو الكلب بتاعه، بس يساعد لكن آدم الرئيس وآدم الوجهة، وكل أما أكلمه يقولى إطلعى منها وهى تعمر أحنا عارفين مصلحتنا فين
ثم حركت وجهها جهتها وهى تشير جهتها بغضب
_اما سيادتك بقى ضربتى كلامى كله فى الحيط وهديتى كل اللى بنيناه فى ثوانى بكلامك مع آدم ده، ولو كان هيفكر فيكى انتِ كده محيتى الفكرة من دماغه وانتى مطلعاه حرامى وواكل بعقل جدك حلاوة
ضربت بيديها على الاريكة بجوارها صارخة بغضب
_مش دة كلامك ودى الحقيقة
نظرت لها ميرفت وقد تطاير الشرر من عيناها صارخة بغضب اعمى
_ايوه ده كلامى، بس قولت مليون مرة آدم مايتخدش كده، آدم هو عبد الرحمن المنشاوى