_طيب ليه الزعل؟ بس بابا مايقصدش كل اللى بيعمله انه بيحاول يفرحك تقومى تضايقيه!! هو قالك هيفسحك وهتشتغلى كمان عاوزة ايه تانى بس يا حبيبتى؟
ثم قبلت أعلى رأسها بحب قائلة
خلاص يا ملك اهدى الموضوع مش مستاهل
اجابت ببكاء وسط شهقاتها التى تتعالى
_هو النهاردة عمال يزعقلى وبس، وبعدين من امتى ظهر لينا قرايب؟ واشمعنى دلوقتى اللى افتكرنا اننا نزورهم؟
ارتفع حاجبه ليجيبها بمرح
_تصدقى انك وش نكد، ايه مش لازم يكونو قرايب درجة اولى اهو حد من اهلنا وخلاص، وعزمونا نقعد عندهم يومين لما كلمتهم
_بس انا معرفهمش ولا عمرك جيبتلى سيرتهم
اوما برأسه مجيبا
_هتعرفيهم
_وعندهم شغل ليا
نفخ بفمه بضيق ليجيبة ب ابتسامه عصبية
_اه واحسن من اللى كنتى هتروحيه
_ليه حضرتك هتروح تزور مين كدة
كانت تلك الكلمات تخرج من فم حمزة وهو يضيق عينيه بشك وهو يخشى ان يكون قد جن وسيحدث اسوأ مخاوفه، ليجيبه بما يثلج صدره
_عبد الرحمن المنشاوى
وزع هو نظراته بينه وبين والدته بصدمة ممتزجه بالتعجب والفرحة بينما نظرت لهم ملك لتجيبهم بتعجب
_عبد الرحمن المنشاوى مين دة؟؟
_يوووه
خرجت الكلمة من فم ثلاثتهم بضيق لتتراجع فى مقعدها بصدمة ليجيبها حمزة وهو يضغط على اسنانه من الغيظ منها