_وفيها ايه؟ اهى بتتعلم حاجة تنفعها فى بيت عدلها بدل ما تروحله خايبة الرجا كدة، بدل ماتجيلك مطلقة من تانى يوم الصباحية
_قال يا ملك؟
تساءل بها عاصم بمزاح وهو يجلس على احد المقاعد بالردهة لتبعد عيناها عنه بحزن ووجع، ليتجاهل هو ذلك مكملا بمرح
_لا يا ستى متشكرين، الدكتورة ملك مش فاضية تتعب ايديها فى الكلام الفاضى ده، الدكتورة ملك لازم تتعب ايديها فى شغل من الدرجة الاولى يليق بيها، شغل دكتورة مختصة فى مجال العلوم بحق
اجابته هى بحزن
_وهييجى منين الكلام دة وانت حابسنى ومانعنى من الشغل؟
نظر لها بابتسامة ليجيبها بمرح
يااااه، بقى انا وحش اوى كدة؟ وانا اللى كنت مجهزلك مفاجاءات وبمنعك عن الشغل دة لانى عاوزك فى حاجات افضل
استطاع هو كسب كامل انتباهها لتجيبه بتقطيبه جبين وبإبتسامه
_مفاجآت ايه هتشغلنى؟
ضحك هو بمرح مجيبا
مستعجلة على الهم كدة ليه يالوزة؟ هتشتغلى متقلقيش، هتشتغلى لما تكرهى نفسك وتقولى سيبونى
ابعدت ناظريها عنه بحزن وهى تغمغم ب انكسار وهى تزم شفتيها بحزن طفولى
_يبقى مش هشتغل
ضحك عليها هذه المرة بصدق وهو يجيبها
_لا هتشتغلى يا ملك متقلقيش، بس مش تسألينى عن المفاجئة الاول
_ايه هى
همست بها بفتور ليجيبها عاصم بسعادة