ثم حولت رأسها جهتها بقرف قائلة
_روحى خدى دوش وفوقى كدة وناميلك ساعتين خلى الدم يرد فى وشك بدل ما عملتى زى الموميا كده، لازم تهتمى بنفسك وجمالك علشان تقدرى تلفتى انتباهه وتركيزه ليكى
اومأت برأسها قائلة
_اوكى
اخذت حقيبتها بيدها تصعد لاعلى بينما حكت ميرفت انفها قائلة بضيق
_ودى اعملها ازاى؟
مطت شفتيها قائلة وكأنها تقر أمر واقع
_عبد الرحمن مش هيوافق يخلى ادم يتجوز من بره لازم حد من بنات العيلة خصوصا علشان ورث البنات ميطلعش بره، وان مكانش نرمين هيبقى بنت صلاح
ضيقت عيناها وهى تقول
_لازم أقنع الكل ان نرمين اللى تنفع، متربية فى المدينة وبتحب آدم من صغرها، وقاهرية، وبتشتغل فى الشركة وبتساعده، مفيش حل غير كدة
اومأت برأسها وهى تضيق عيناها بتركيز قائلة
_هو ده الحل الوحيد الضغط على آدم ب اهله، ورقتى الرابحة هى فاطمة وعبد الرحمن، وبالذات فاطمة دة آدم بالنسبالها حبيب القلب يبقى لازم نرمين تبقى روحها كمان
تنشقت الهواء داخل صدرها براحة وقد اقرت بأنها وجدت الحل ولكن يجب عليها التروى حتى لا يظهر ان الأمر مقصود، فلتتروى فبالنهاية هى تعلم آدم ليس لدية خبرة بالفتيات او حياتهم ف سيرضى ب أى فتاه ما دامت تعطه وضعه ومكانته التى يترجاها كرجل شرقى